新森林焗之專門店 (已搬遷) 新店位置

最鍾意o係食肆林立o既通菜街搵野食...今日好想食焗飯~~樂活一館係最穩陣~質素有保證之選~但係又唔想成日都獨孤一尾...行到街尾...見到新森林竟然今日無人等位...唔想再諗...就入左去食喇~以前曾經食過佢d2人餐~有飯~有小食~有前菜~有野飲~其實都抵~但因為今日真係想食焗飯~決定同男朋友一人叫一個主菜~再加$5轉 set~o者係多碗湯~多個蒜蓉包~~~湯揀了紅湯...酸甜適中~~都幾開胃~蒜蓉包都夠脆~但蒜蓉味唔算好出~略嫌太細舊了~滿足唔到我呢個包怪...主菜選擇都幾多~最後叫了m1同m6特濃芝士醬焗大蝦皇烏冬揀佢係因為比個焗烏冬吸引左~~好特別~好似一直未試過焗烏冬~雖然我地兩個都唔太好海鮮~但係都被烏冬吸引了~份量感覺唔多~但係因為芝士好多~(正!)所以其實食得太多都濟~芝士加烏冬呢個配搭好好味~烏冬尚算有口感~未至於好彈牙~但至少唔會係入口即溶o個d....諗起都怕怕~海鮮雖然唔係我地杯茶~但呢隻大蝦的確好有蝦味~愛好海鮮者可以一試~日之辛口軟殼蟹焗芝士石斑鴛鴦飯鍾情鴛鴦飯~貪佢有兩個款揀~滿足我貪心o既性格~只可惜新森林呢個鴛鴦飯做得未夠出色...咖哩軟殼蟹o個邊幾o