影片
更多
2023-07-07
38 瀏覽
屋企附近新開左間鐵板燒，同老公去補祝父親節，成餐飯都聽住令人流口水既滋滋聲，而且師傅專業，服務超好，而且裝修舒服高級，分開左4台比4位師傅負責，依餐飯由7點食足兩個幾三個鐘，體驗真係99分。🔹前菜：。凍荔枝車厘茄+粟米凍湯開胃凍同酸既前菜，車厘茄有超香甜既荔枝味。北海道瀨尿蝦蒸蛋第一道開板煮既菜式，用賴尿蝦頭蝦殼煮成高湯，再加木之牙增加口感🔸時令海鮮5款。板上蒸蠔 （來自兵富縣 金武士蠔, 生蠔焗蠔都食得多，第一次原汁原味食蒸蠔，係驚嘆地新鮮香滑）。帆立貝 配 台灣烏魚子醬（煎香帆立貝到7/8成熟，再面頭加來自台灣嘅烏魚子醬，用火槍燒香，最後加埋淡雪鹽，輕微嘅鹹味唔會搶去帆立貝嘅鮮甜）。香煎目光魚（依排當造目光魚，已打鱗並用昆布醃製，煎得香油脂出哂黎，配柚子胡椒蘿蔔蓉同青檸汁點食，我地覺得佢味道上有少少似多春魚）。紫蘇葉 蒸日本地甲 （先用紫菜高湯煮好汁，再用紫蘇葉蒸蜆，最後上汁加飛魚子，蜆juicy得來香香紫蘇葉味）。焗榮螺 （師傅話一般5-8月當造，用法式焗田螺嘅方法烹調再配牛油薯蓉撈埋食，惹味）🔹南非凍醉飽鱼 配水母食左五個當造海鮮，每一個烹調嘅方法都係超級有心思，菜式配搭都十分
🔹前菜：
。凍荔枝車厘茄+粟米凍湯
開胃凍同酸既前菜，車厘茄有超香甜既荔枝味
。北海道瀨尿蝦蒸蛋
第一道開板煮既菜式，用賴尿蝦頭蝦殼煮成高湯，再加木之牙增加口感
🔸時令海鮮5款
。板上蒸蠔
（來自兵富縣 金武士蠔, 生蠔焗蠔都食得多，第一次原汁原味食蒸蠔，係驚嘆地新鮮香滑）
。帆立貝 配 台灣烏魚子醬
（煎香帆立貝到7/8成熟，再面頭加來自台灣嘅烏魚子醬，用火槍燒香，最後加埋淡雪鹽，輕微嘅鹹味唔會搶去帆立貝嘅鮮甜）
。香煎目光魚
（依排當造目光魚，已打鱗並用昆布醃製，煎得香油脂出哂黎，配柚子胡椒蘿蔔蓉同青檸汁點食，我地覺得佢味道上有少少似多春魚）
。紫蘇葉 蒸日本地甲
（先用紫菜高湯煮好汁，再用紫蘇葉蒸蜆，最後上汁加飛魚子，蜆juicy得來香香紫蘇葉味）
。焗榮螺
（師傅話一般5-8月當造，用法式焗田螺嘅方法烹調再配牛油薯蓉撈埋食，惹味）
🔹南非凍醉飽鱼 配水母
食左五個當造海鮮，每一個烹調嘅方法都係超級有心思，菜式配搭都十分創新；之後上凍南非鮑魚，佢既發揮不過不失，但做間場來講唔錯）
🔸立鱗金鯛燒
休息左一陣，師傅就拎左個LC煲出黎，將金鯛先油炸至所有鱗都企身，然後再落板煎，最驚喜就係去佢配一個中式酸菜汁，好重花椒嘅麻味，輕微辣度，個配搭好創新，而金鯛亦做到外香脆內細滑。
🔸西澳龍蝦配蟲草花忌廉汁
好快師傅就開始烹調有兩隻手咁大嘅龍蝦，上板一陣就起肉，加上預先準備既大量蝦膏醬，配以蟲草花烹調，所以食起上黎會有少少菇味，龍蝦彈牙新鮮基本。
🔸鵝肝配蘋果醋醬多士
煎鵝肝一般都好穩陣，餐廳用嘅鵝肝都係好厚，見到佢先半煎炸到金黃外脆內軟，配以蘋果醋醬多士解油膩感，但最驚喜係佢個菠蘿冰超級透心涼，勁想要多舊。
🔸宮崎A3和牛
其實去到依個位已經飽左九成，師傅話佢哋特登喺揀咗A3和牛而唔係A4或者A5,因為佢話去到依個位好多人都飽左8成，食比較重肉味既和牛會好過太油感的，佢講完我覺得餐廳真係好細心有誠意。
🔹九州高菜炒飯 粒粒分明
🔹炒雜菜
🔹龍蝦麵豉湯 鮮
🔸焦糖多士配雲呢拿雪糕
話飽但係上面嘅飯同湯都Ko埋，私心超期待依個焦糖多士成晚喇，甜品真係另一個胃。
成晚負責我哋嘅師傅雖然係女師傅但係非常之專業，令你有穩重嘅感覺，我覺得佢都算健談，走時見到出面兩枱師傅同客人傾計飲酒得興起，岩哂鍾意放工飲幾杯既你。
張貼
