韓雅林

營業中

休息中

喺香港食過真係正宗既韓國菜，韓雅林一定係其中一間。呢到地方大，採用傳統韓國餐廳嘅裝修，坐近窗邊卡位最舒服，每次嚟周圍都坐滿韓國人。呢到有個好nice既阿朱媽，佢仲識得講廣東話㗎，帶啲韓國口音好得意😊滿滿嘅banchan真係淨係食佢哋都食到飽晒呀😂醬油蟹(一隻) $280出邊食開醬油蟹都要三百幾一隻嘅，以呢個價錢嚟講佢比我想像中大隻！用手一擠咇曬滿滿嘅蟹膏蟹肉出黎，一啖擺入口好鮮甜，係幸福嘅感覺☺️食蟹油蟹一定要配飯，除咗本身跟咗好大碗白飯配紫菜同蛋黃之外，阿豬媽仲請咗我哋食即叫即煲嘅白飯！真係即場打開個mini蒸氣電飯煲！好香米飯味，新鮮煮起熱辣辣嘅飯就咁單食都好好味😋聽講lunch嘅時候好多人都會嗌呢個飯架～牛肋骨肉 $210 | 蘇子葉 $70牛肋骨肉肉味濃郁，每一塊都好嫩滑多汁。包埋蘇子葉同其他banchan一齊食每一啖都好滿足😌海鮮蔥煎餅 $128個煎餅係脆既，不過就略嫌薄身左啲同埋海鮮唔夠多。