韓珍 (帝國中心) (已結業)

相約友聚，這裡雖然離地鐵站遠少少，但勝在無時限，食得舒適我哋一行4人叫咗個套餐加2隻醬油蟹。我之前係韓國食過醬蟹同日本食過生蟹都覺得好腥，所以今次無諗要食，但蟹上枱後見到個樣子真的吸引，加上店員及友人處理埋伴飯程序，結果忍不住食咗。佢個醬油唔會好鹹，帶出蟹膏肉鮮甜味套餐內有沙律、湯、烤肉、烤旦、選了泡菜煎餅及雪糕/柚子茶。沙律菜加上新鮮生果粒很清新健康，可惜每人一小碟泡菜煎餅未食到泡菜餅味道，加上可能放了一段時間才食，餅較軟淋。煮熟旦就較老同味道又是較淡，無特別就是讓你飽主食烤肉，樣子十分靚，同樣有服務員幫你烤，之後我哋就自己燒。 烤肉係靚，但烤肉醬汁都係靈魂所在，可惜所有醬汁都係淡，浪費咗個靚肉，無鹹味帶出肉味。總括都係淡味，唯是醬油蟹嘅淡味可帶出鮮味。 雪糕及柚子茶2選1，另外我哋再叫咗支燒酒，人均消費$420，這個價錢應該有好多烤肉選擇。