安平燒肉

營業中

休息中

不嬲都好鍾意食任食，見到呢間燒肉都好多好評，未食過就嚟試吓。選了澳洲M5和牛吃到飽 ，除咗和牛牛舌心是限量每人兩件之外，基本上全部嘢都係任食。包括牛肉同埋海鮮。自助區域有12款醬汁自取，應該係呢間餐廳嘅特色，枱面上的餐紙都有說明邊款醬汁襯邊款食物，我都有跟着嚟試吓。海鮮方面，虎蝦必點，因為好大隻，肉質結實彈牙。配埋佢特製嘅醬汁，確實唔錯。牛肉方面：M5 和牛油脂分布均勻，我覺得簡單配上海鹽已經很好吃。另外有我最喜歡的SRF極黑牛，我鍾意佢唔會太肥，牛味濃郁。佢而家做緊個威士忌烤醬系列，問咗店員佢話呢個鳳梨內裙柳係牛肉嚟。佢哋仲話五月尾就會出新Menu。大約個半鐘左右，店員就會拎張單過嚟俾你核對，同埋提示你last call。當然last call之後仲可以出去拎吓嘢飲同埋甜品，兩小時都算充裕，食到好飽。加埋一就係下面呢個消費。⬇️服務方面，送餐同埋收碟都好有效率，仲會主動換吓燒烤網咁。俾錢時問佢有冇信用卡優惠，店員話上佢哋社交平台，指定平台購買有時做優惠。我果日即場先至問就冇了。