豚王 (已搬遷) 新店位置

呢間拉麵一直想試，因為實在太火！ 可惜門口無時無刻都大排長龍！趁今日閒日去試下！門口只有幾個人！等了10分鐘可以入場！坐最入嘅角落位，因為我有個細拉喼！方便我放東西！環境好迫，基本上背貼背食！長方型餐廳一邊係座位一邊廚房！中間一條走道好窄！預咗一定要搭枱！人多唔適合！坐低店員會比杯凍水加點餐紙，根據自己喜好點餐！我想試最基本嘅！豚王：最簡單嘅豬骨湯拉麵！配青蔥木耳絲好爽口！湯底好濃滑，但唔肥膩，幼麵我選硬，但出來又唔太硬，幾彈牙，豬腩片薄身，每片一半係爽口肥膏，一半瘦肉，唔會好咸，唔油膩，辣醬唔辣，幾香！下次可以加多啲！不過坦白味道唔特別到值得排半小時隊去食！溏心日本蛋：另上，仲要食到一半，問店員催先上，賣相又唔靚，爛尾嘅，咁都照比客（好多日本食店都好著重賣相，唔靚唔比客）咬一啖，好冰凍，如果暖食會好啲，蛋白好嫩，蛋黃流心，好濃蛋味，唔重鹵水味，味道可以嘅！最令我驚喜嘅竟然唔係拉麵，係放枱面任食嘅醃芽菜，芽菜放在竹筒內，好橙紅，食落爽脆，微辣咸香，好好味，我不停添食另外一款醃瓜都爽脆但好咸，唔夠芽菜好味！店員唔太親切，我追問點咗嘅溏心蛋，一句：「另上嘅」就走咗去，我只係第一次幫襯，點知