傷心酸辣粉 (金百利廣場)

營業中

休息中

小辣半隻重慶麻辣雞煲，好足料，有大量芫荽、芹菜、洋蔥、辣椒、薑片，雖然辣度為小辣，但都唔會辣得唔過癮，不過個人認為大辣或中辣比較適合我，雞件肉質滑嫩，味道咸辣。小辣海蜇脆耳傷心酸辣粉，海蜇食落好爽口，充滿芝麻油味道；脆耳口感爽脆，食落好入味；傷心酸辣粉表面鋪滿芫荽、花生、生菜、肉燥、香蔥、榨菜，紅薯粉口感爽滑、煙韌，容易掛湯，味道酸辣。小辣乾撈牛肚，有大量芫荽、花生、香蔥、芝麻、辣椒粉，牛肚肉質彈牙，食落好惹味。凍檸檬茶，味道酸甜，飲落好清爽。道地烏龍茶，茶味濃香、不苦澀。