百好名宴

營業中

休息中

同屋企人晏晝去咗北角酒樓飲茶，因為係正午時段所以整體價錢會貴少少，人均$100左右。 海皇煎薄餅大塊煎薄餅，普通海鮮碎，碎蔥較多，最外邊皮都係有少少脆嘅。 蟹籽燒賣皇正常蟹籽量，裏面有蝦肉同豬肉，普通酒樓燒賣。 百好蝦餃皇個皮唔算特別薄，不過裏面嘅料好充足。 豉汁蒸鳳爪正常酒樓式鳳爪，冇咩特別，正常味道。 豉蒜蒸排骨同鳳爪差唔多嘅味，加多少少蒜味咁解。 流沙奶皇包酒樓我最鍾意食奶皇包，佢個黃係流沙嘅，鹹蛋味十足，個包熱辣辣，好食。 金珠鹹水角三粒鹹水角，外皮夠脆，皮裏面煙煙韌韌，鹹到啱啱好。 鮮蝦韭菜角個皮炸得好脆好好食，韭菜味比較重，會蓋過咗啲蝦味。 翡翠鮮蝦腸夠曬軟滑，一條有兩三隻鮮蝦。 家鄉炒米粉普通火腿絲蔬菜絲做配料，米粉炒得夠乾，正常味道。