星海薈﹒譽宴

營業中

休息中

阿媽話街市唔係成日有大隻嘅蟹，但又好想食.....朋友推介嚟呢間酒店裏面嘅食肆，果然大隻兼抵食。招牌白胡椒蟹，阿媽目測大概斤半重，蟹肉又厚又多，隻蟹鉗大都呢！仲話話呢個份量嘅係如果街市有得賣都要二百幾$300 ，而且唔係時時有，都未計煮嘅心機同水電煤。而家$468唔使自己煮唔使自己洗，！話時話，鐵板上枱，侍應再喺蟹面淋上胡椒汁，即時椒香撲鼻，聞一聞真係格外醒神呀！胡椒香同辣逼入蟹肉，微辣的香氣更加突顯蟹肉嘅鮮甜，個種味覺衝擊好正！胡椒平衡左蟹嘅寒性，呢個配搭幾好喎！清蒸虎杉班足足有一斤重，我同阿媽兩個食就啱啱好，條魚蒸到啱啱好，條魚仲擺得非常生猛。豉油都沾到魚鮮，未食望下魚眼就知新鮮。甜甜蜜蜜嘅拔絲菠蘿咕嚕肉都係朋友推介，拔絲嘅做法令咕嚕更脆。外脆內軟有焦糖香味，新鮮多汁嘅菠蘿同咕嚕肉，一濃一淡，絕對唔會咁易食滯。我好鍾意食金銀蛋浸菠菜，呢度又煮得幾好。欣賞呢間食肆用嘅都新鮮靚料，上湯浸住靚皮蛋咸蛋同菠菜，索哂味，湯頭都好飲。呢間的確係同系列較高質嘅分店，無論服務、食物、整潔度都比其他分店更好。金屬感同幾何線條配合、優雅華麗水晶燈、沿路走來嘅酒店範圍，係有鼓尊貴氣派。