湘舍壹號

營業中

休息中

得知灣仔華美粵海酒店入面有間湘菜廳，係國內已經有五間分店，今日假期去附近做野，就一於同朋友試吓，體驗下湘菜。入到餐廳大堂，已經有職員歡迎同帶位，服務好周到，職員友善好客。前菜紅薯片脆卜卜，微甜，食到停唔到口。👫午市二人套餐👫$388🥚燒椒皮蛋涼菜係將皮蛋蓉混合已經切成絲的青椒上，皮蛋蓉質感配上爽口青椒，估唔到咁夾，微辣。🥗涼伴萵筍口感青新，爽口好味😋。🐷煙燻臘肉係一味辣椒乾、荀同臘肉絲炒成的小菜，每夾一次都食到爽口、咸香同辣，口感豐富。🐷農家小炒肉青辣椒絲同豬肉片一齊炒，好有鑊氣，淨係食肉片只會食到微辣，夠哂惹味。🐥茶油炒雞仔少少辣椒同雞肉拆成絲炒成，茶油香味十足，啖啖雞肉。🥦有機花菜椰菜花炒得好爽口，完全無渣，配合少少辣椒夠哂清新。🫓小米青稞餅呢款真係夠哂新鮮，口感煙韌，中間包住一層小米，米香味濃，唔會太甜，而青稞係高纖維高營養穀物，呢道餸簡直係集健康同美味於一身。🫕銀耳蓮子羹糖水煲得好稠身，充滿植物膠原蛋白，唔會過甜，仲食到銀耳爽口質感，清甜唔膩，更可以滋潤一下，呢個天氣岩哂。📌湘舍壹號地址：灣仔駱克道57-73號香港華美粵海酒店1樓評語食物精緻高質，有水準店員友善好客，賓至如歸，