Fûhn (香港逸東酒店)

營業中

休息中

今日特別想食越南菜，甘啱有嚟到佐敦附近，所以就想OpenRice度搜尋一下有咩好食嘅越南菜式。就見到位於逸東酒店嘅fuln,我決定同朋友去試吓。可能係因為酒店嘅關係所以都可以搵到位。佢係類似food court 嘅形式。我哋一人叫咗一個特色牛肉湯麵，朋友就食河粉，我就食檬粉。小食方面我哋叫咗雞翼，越式豬頸肉，同埋素菜米紙卷。嘢飲就叫咗牛油果奶昔同埋越式咖啡沙冰。首先就係試咗佢嘅特色牛肉湯麵，我就最鍾意佢嘅生牛肉，好嫩滑，好新鮮。值得一提嘅係佢個河粉好好食，好滑，索晒啲湯汁，所以建議大家揀河粉。而佢嘅湯麵湯底好鮮甜，配料加埋青檸汁，酸酸甜甜好開胃。小食方面，我覺得佢嘅雞翼都幾好食，好脆好香。而佢嘅豬頸肉味道都唔錯，可惜就係肥咗少少， 我哋兩個人share一碟都食唔晒，如果多人嘅話會比較好啲，因為真係有少少膩。可能我唔係好鍾意啲香料，所以就麻麻哋佢嘅米紙卷。我好鍾意杯牛油果沙冰，雖然唔係好重牛油果味，但淡淡嘅牛油果香配以牛奶，原來都幾夾，同呢個配搭幾特別，我強烈推薦大家都可以試吓，因為真係好好飲㗎。有朋友點嘅咖啡沙冰都唔錯。人均消費大概每人＄190 ,呢個價錢都合理嘅。