娜吧

營業中

休息中

朋友介紹炮台山AIA有間酒吧「娜吧」係個傾計好去處，今日同佢來到呢度，酒吧老闆好熱情，會過來同我啲傾幾句，落座會送一碟堅果（花生、開心果、芥末青豆）一碟蝦片，味道都棒棒嘢。酒吧竟然有拉麵食，嗌佐黑豚叉燒拉麵：叉燒好大舊，半肥瘦，入口即溶，湯汁濃郁鮮美，麵條爽滑脆彈，配上溏心蛋，味道岩岩好。日式沾麵：呢道好適合打卡，碗底有乾冰，水倒入營造煙霧效果，非常夢幻！等煙霧散露出一粒鮑魚，多舊三文魚，仲有蟹柳、溏心蛋，好豐富。麵類似刀削麵嘢粗身麵條，好有勁道。沾麵湯底鮮味好濃郁，麵條好掛汁，值得一試。日式鱈魚豆腐：炸得金黃色，配上芝麻醬，口裡立湧酸甜鹹嫩嘢滋味。邊食邊飲啖啤酒邊傾計，好愜意！