影片
更多
2021-04-28
94 瀏覽
星期六本身預咗搵間酒吧餐廳睇波食飯，但我哋五點已經好肚餓，等唔到再夜啲食，所以就決定食個Early Dinner先再算🙈。我哋經過「娜吧」門口，被熱情嘅店員拉住，聽到佢講有拉麵食，興趣秒速倍增。我哋好好彩趕得及午餐嘅尾巴，可以以較優惠嘅價錢食到拉麵，而且仲唔使收加一👍。店員向我哋介紹各款麵嘅特色，並強烈推介其中兩款。既然第一次嚟食，就聽佢話嗌招牌菜啦。麵食嚟到前，店員先送上小食同熱茶🍵，小食有炸蝦片同雜錦果仁(即wasabi 豆、開心果同花生)。同時，佢亦會Set定枱放好托盤，方便我哋一陣食麵。自家製黑豚叉燒拉麵($82/例牌)，🍜拉麵唔錯喎，頗有自家特色的，同出面連鎖店有所不同。首先，第一樣必定要讚嘅就係湯底夠哂熱🔥，溫度絕對足以影響成碗麵嘅味道。拉麵嘅配料有肉碎、大蔥絲、洋蔥粒、青蔥粒同溏心蛋等，當然仲唔少得餐廳自家製、師傅自己扎嘅叉燒。🐷叉燒得一件，不過都已經夠哂，因為係長長一條。叉燒半肥瘦，口感軟綿，醃得夠味。雖然呢度嘅湯底同麵條無得自選口味，但各方面都能達到平衡。就如豬骨湯底濃而不油膩，而拉麵粗幼適中，亦夠彈牙。沾麵($128)，好彩餐牌有圖，否則唔會知沾麵有乜料同用乜麵🤣。
星期六本身預咗搵間酒吧餐廳睇波食飯，但我哋五點已經好肚餓，等唔到再夜啲食，所以就決定食個Early Dinner先再算🙈。我哋經過「娜吧」門口，被熱情嘅店員拉住，聽到佢講有拉麵食，興趣秒速倍增。
我哋好好彩趕得及午餐嘅尾巴，可以以較優惠嘅價錢食到拉麵，而且仲唔使收加一👍。店員向我哋介紹各款麵嘅特色，並強烈推介其中兩款。既然第一次嚟食，就聽佢話嗌招牌菜啦。
麵食嚟到前，店員先送上小食同熱茶🍵，小食有炸蝦片同雜錦果仁(即wasabi 豆、開心果同花生)。同時，佢亦會Set定枱放好托盤，方便我哋一陣食麵。
自家製黑豚叉燒拉麵
$82
1 瀏覽
0 讚好
0 留言
自家製黑豚叉燒拉麵($82/例牌)，🍜拉麵唔錯喎，頗有自家特色的，同出面連鎖店有所不同。首先，第一樣必定要讚嘅就係湯底夠哂熱🔥，溫度絕對足以影響成碗麵嘅味道。拉麵嘅配料有肉碎、大蔥絲、洋蔥粒、青蔥粒同溏心蛋等，當然仲唔少得餐廳自家製、師傅自己扎嘅叉燒。🐷叉燒得一件，不過都已經夠哂，因為係長長一條。叉燒半肥瘦，口感軟綿，醃得夠味。雖然呢度嘅湯底同麵條無得自選口味，但各方面都能達到平衡。就如豬骨湯底濃而不油膩，而拉麵粗幼適中，亦夠彈牙。
沾麵
$128
6 瀏覽
1 讚好
0 留言
沾麵($128)，好彩餐牌有圖，否則唔會知沾麵有乜料同用乜麵🤣。沾麵嘅造型完全顧及到打卡嘅需要，麵底本身係凍的，再配合埋乾冰飄煙嘅效果。碗嘅底部放有乾冰，店員分幾次將水倒入，令煙持續噴出🧊🌬，影相停不了！麵底估計係用上刀削麵，麵條較粗，彎彎曲曲，適合掛汁。餸料有三文魚刺身條、鮑魚仔、溏心蛋同蟹柳絲等，全部都好啱配冷麵。
沾麵汁有驚喜，或者應該話係意想不到，因為原來係用魚介粉整成嘅汁🐟。魚汁濃厚得嚟唔腥，仲好香，為白麵條帶來滋味。但由於麵條係凍的，所以個汁亦都比較易變涼，建議店家可以考慮使用熱石以作保溫。
我哋一人叫咗一杯Draught Beer🍻，一杯1664承惠$68，Happy Hour買二送一。夜晚六點鐘都未到，我哋就「酒不醉人人自醉🤗」。
老闆娘廚房樓面兩邊走，超級忙碌，但佢每次出到嚟都總係非常熱情，同客人傾計、打成一片😆。佢仲勁好人，請我哋食炸雞🍗，其實已經飽飽，但佢咁好客，我又點好意思推搪呢。炸雞外皮好脆，佐酒一流。
環境方面，餐廳既唔似拉麵店，亦唔似酒吧，似一間經過悉心裝修同設計嘅Cafe✈️🔆，特別係門口幾個向街座位，長期坐滿人。同時，由於門口位唔係密封，所以通風一流。餐廳另外仲有普通餐枱同高枱，喺高枱食拉麵就可能會迫少少。
總括嚟講，呢間酒吧主題嘅拉麵店幾唔錯，飲啤酒配炸雞或者薯條就試得多，但原來配拉麵都唔會好怪，仲幾得意添😚。嚟呢度簡直係一次過滿足兩個願望：食拉麵同飲酒✌🏻。我哋坐到咁上下，餐廳開始多人，咁就唯有下次再嚟拜訪啦。
張貼
