海鍋手工涮涮鍋 (已結業)

天氣開始凍，當然要打下邊爐啦。朋友幾年前泥食過覺得唔錯，所以揀左呢間。不過地址就真係唔太易搵😂 當日，搵左15分鐘先搵到入口。我地係兩個人，所以被安排在二人卡位，其實卡位唔太逼，但所有二人卡位隔離就係大圓枱，而當日係星期五都大部分滿座，所以真係覺得逼，行唔到咁，尤其係，侍應仲要擺個裝隔離枱既食物既架車係正我地二人卡位，出都好難出。位與位之間好貼，所以感覺唔太舒服。去到可以散叫，亦可以揀套餐，分別有$278同$328既餐，主要分別係有龍蝦同多個胡椒豬肚湯底揀。我地揀左$278套餐，包指定海鮮(有蝦、蠔、蜆、鮑魚等等)同十款自選配料(點左基本野啦有肥牛、丸、菜之類)，但我以為可以任添，點知原來要另加$50先可以任添結果無加，都夠既，不過無咁爽啫😂 飲品就任飲既埋單發現仲要加收每人$22廳房費，唔係好明點解要收呢樣野，因為又唔係入指定房，又無話指定要卡位，又唔係窗邊位，係成間餐廳最窄既兩人位wor，覺得有d多餘。總括泥講，每人$278加$22再加一等如每人$330，真心覺得呢個價係可以食到更好同坐得更舒服。