影片
更多
2016-09-25
877 瀏覽
我細妹好鍾意請我嚟呢度食早餐，原因有兩個：1)配搭百變，選擇夠多；2)地方開揚，坐得舒服；前者我十分認同，後者就……如果張枱大啲，枱與枱之間距離闊啲，咁就為之very good喇！其實我唔多鍾意出街食，一嚟貴，二嚟逼，但細妹請到，我就賞吓佢啦！今日星期日，台灣麵早餐時段依舊滿座！不過好彩，等咗五分鐘，已經有位！我哋入座，張枱未抹，阿嬸攞塊幾多啡色污漬嘅濕毛巾嚟一抹，掃咗少少碎落地下，攪掂！出嚟食早餐，我通常都要雞蛋同通粉，因為兩者都係我至愛！平日我大多點火腿奄列+手撕雞通粉/米線，飲凍華田(因可用嚟點方包食)，但今日想試吓大大碗通粉餐，所以要咗火腿煎蛋通，加$4飲凍紅豆奶茶！細妹就照舊腸仔奄列拼炸魚柳，熱咖啡走甜！大家睇吓我特登影俾大家嘅餐牌，就明白我同細妹欣賞嘅所謂彈性！真係好彈，好多選擇！所以唔多講喇！講吓我碗通粉，兩片切咗一半嘅火腿(夾埋即一片)+兩隻煎蛋，通粉就比拼奄列餐時份量多三份一。一眼望見兩隻煎蛋，煎得一啲都唔靚，蛋黃散開又老，好失望！我最喜歡篤穿蛋黄撈通粉，今勻冇蛋黄汁，兼蛋黃要成片咬喇！我要求要茄汁，個阿嬸百忙之中，攞隻小碟倒咗五蚊銀咁多俾我！勁孤寒！同Cafe Pa
其實我唔多鍾意出街食，一嚟貴，二嚟逼，但細妹請到，我就賞吓佢啦！
今日星期日，台灣麵早餐時段依舊滿座！不過好彩，等咗五分鐘，已經有位！
我哋入座，張枱未抹，阿嬸攞塊幾多啡色污漬嘅濕毛巾嚟一抹，掃咗少少碎落地下，攪掂！
出嚟食早餐，我通常都要雞蛋同通粉，因為兩者都係我至愛！平日我大多點火腿奄列+手撕雞通粉/米線，飲凍華田(因可用嚟點方包食)，但今日想試吓大大碗通粉餐，所以要咗火腿煎蛋通，加$4飲凍紅豆奶茶！
細妹就照舊腸仔奄列拼炸魚柳，熱咖啡走甜！
大家睇吓我特登影俾大家嘅餐牌，就明白我同細妹欣賞嘅所謂彈性！真係好彈，好多選擇！所以唔多講喇！
講吓我碗通粉，兩片切咗一半嘅火腿(夾埋即一片)+兩隻煎蛋，通粉就比拼奄列餐時份量多三份一。
一眼望見兩隻煎蛋，煎得一啲都唔靚，蛋黃散開又老，好失望！我最喜歡篤穿蛋黄撈通粉，今勻冇蛋黄汁，兼蛋黃要成片咬喇！
我要求要茄汁，個阿嬸百忙之中，攞隻小碟倒咗五蚊銀咁多俾我！勁孤寒！同Cafe Paradise嗰種成支主動上嘅大方，完全冇得比！
通粉味道不過不失，但我要添多次茄汁先覺得火腿蛋好味！第二次特登叫個相熟阿嬸倒，今勻好啲喇！有兩個五蚊銀咁多！我全碟倒哂落啲火腿蛋度！
細妹碟魚柳幾脆，但好細塊！腸仔奄列好味，買相亦靚！我覺得台灣麵啲奄列真係唔錯！蛋煎得靚，餡亦算多！我試過白汁雞絲奄列、火腿奄列同腸仔奄列，都好味！
最後要讚嘅係加$4轉飲台式飲品呢個選擇，真係超抵！我好喜歡紅豆，杯紅豆奶茶又甜又多豆！我問阿嬸拎咗兩杯水，倒咗少少水落去，飲多兩啖之餘，味道更好喇！
坦白講，$31一碗通粉，真係心都痛埋！不過細妹主動請我，我即管賞面啦！
最後補充一句，台灣麵每份早餐都一定跟方包或加錢轉多士，我食唔落，所以問阿嬸攞個紙袋，袋埋細妹嗰塊做午餐！
整體嚟講，侍應服務態度有啲參差，但安排座位同收錢嗰個男人算唔錯！可能因為佢認得我細妹呢個熟客，都會主動點頭打招呼！
整體嚟講，我對台灣麵嘅感覺都偏向正面，因為細妹鍾意，所以我都鍾意！鍾意佢牆上色彩繽紛嘅圖畫、鍾意佢早餐百變嘅選擇、鍾意佢多豆好味嘅紅豆奶茶、鍾意細妹話佢早餐可以去到11：30am last order，最重要嘅係，鍾意有機會同百忙又cool嘅細妹有40分鐘嘅相聚時間……
張貼
