1986地道越南餐廳 (東寶大樓)

營業中

休息中

🇻🇳🇻🇳🇻🇳由舊鋪開始食到佢搬左新鋪，是區內少有的高質越南菜，餐廳內有小告示提及歡迎撰寫食評提供意見，睇得出良心小店用心製作👍🏻👍🏻👍🏻招牌牛肉三拼湯河粉($68)有牛肉、牛扎肉同牛丸，而湯底係牛骨湯，牛肉肉質鮮嫩，牛扎肉唔係常有，牛丸彈牙，再配有蔥絲蔥花及青檸，令河粉食落更清新，唔會只有單單濃郁既肉味，提昇味道既層次感海防蟹膏湯檬粉($70)👍🏻👍🏻👍🏻👍🏻蟹膏、蝦，扎肉、香菜肉丸，再加蟹湯，香噴噴，賣相吸引，蟹膏熟左夾得起，蟹湯好足料所以好竭，稀竭有少少似醬汁既程度，相當掛麵，但味道唔咸，加埋檬粉岩岩好，但香菜肉丸個人黎講偏咸，相信依個檬粉主要係品嚐蟹膏蟹湯既鮮味