太二老壇子酸菜魚

營業中

休息中

呢間排隊人氣店長期都好多人！今次特登喺未開門前就去攞飛，所以一開門就好快入得去🤙🏻今次叫咗個一至二人份嘅老壇子酸菜魚，另外加咗脆豆腐同金針菇。脆豆腐，質感有少少似魚片，反而冇乜豆腐味。金針菇就唔使講啦，索哂d味好好食😌講返酸菜魚先！ 酸菜同魚嘅份量都好多，仲有個炸過既魚頭！ 魚肉都幾嫩滑，而且係冇骨🐟 雖然冇得揀辣度，但係就絕對唔會好辣，見到隔籬枱都有小朋友係食到嘅！另外仲叫咗個脆椒小皮蛋同麻辣小酥肉。皮蛋唔係平時見開皮蛋嘅樣，好似鵪鶉蛋。雖然有少少辣椒，但係一樣唔會好辣！而麻辣小酥肉嘅麻辣粉係另外上，所以都唔使擔心食唔到！甜品方面就叫咗個西瓜椰椰冰粉🍉本身以為會有啲紅糖汁淋喺面，但係原來係冇汁嘅。有頗多嘅椰子肉同埋少少西瓜粒，個味道幾特別，喺香港都未食過。