影片
更多
2018-12-08
1943 瀏覽
台灣好野食出名多，去過就知一日食足5餐係咩滋味！有時台灣癮起，真係好難頂，就算佢有幾近都好，話去就去都唔係一件容易嘅事，所以可以嘅話同friend食飯都會揀下好似「忠孝東路」呢啲台式餐廳食返餐台灣菜止下癮！◎ 台式鹽水鴨片 ($58) - 鴨片有鹽水浸泡，入口油膩感會減少好多，而且師傅刀工幾好，可以切到咁薄！◎ 花雕醉鴨舌 ($118) - 對內臟接近零興趣嘅我食左一件都覺得花雕味幾出！◎ 台灣大甲香芋雞 ($108) - 相影得唔靚但係今晚最錫意既菜式，超愛芋頭帶嚟嘅口感，如果多幾粒就正！◎ 滷水拼盤 ($188) - 咩款都有啲，真係啱哂朋友聚會，我就一定會揀個溏心蛋食先，滷水嘅味道加上蛋黃漿，好味道！◎ 忠孝魯肉飯 ($65) - 台灣嘅魯肉飯出名平，呢度雖然叫價貴啲，不過我會當佢係豪華版，因為睇個樣就知！魯肉有濃濃肉香，醬汁惹味，送飯一流！◎ 忠孝牛肉麵（黑湯/白湯）($73) - 一班朋友食飯嘅口處就係咁，咩都可以叫多啲，見呢度牛肉麵有兩個湯底， 我地都可以叫哂，傳統嘅藥材湯底(黑) vs 由雞肉熬出嚟湯底 (白)...我都係鍾意古早味嘅前者多一啲！天氣越係開始有啲凍，就越想
◎ 台式鹽水鴨片 ($58) - 鴨片有鹽水浸泡，入口油膩感會減少好多，而且師傅刀工幾好，可以切到咁薄！
◎ 花雕醉鴨舌 ($118) - 對內臟接近零興趣嘅我食左一件都覺得花雕味幾出！
◎ 台灣大甲香芋雞 ($108) - 相影得唔靚但係今晚最錫意既菜式，超愛芋頭帶嚟嘅口感，如果多幾粒就正！
◎ 滷水拼盤 ($188) - 咩款都有啲，真係啱哂朋友聚會，我就一定會揀個溏心蛋食先，滷水嘅味道加上蛋黃漿，好味道！
◎ 忠孝魯肉飯 ($65) - 台灣嘅魯肉飯出名平，呢度雖然叫價貴啲，不過我會當佢係豪華版，因為睇個樣就知！魯肉有濃濃肉香，醬汁惹味，送飯一流！
◎ 忠孝牛肉麵（黑湯/白湯）($73) - 一班朋友食飯嘅口處就係咁，咩都可以叫多啲，見呢度牛肉麵有兩個湯底， 我地都可以叫哂，傳統嘅藥材湯底(黑) vs 由雞肉熬出嚟湯底 (白)...我都係鍾意古早味嘅前者多一啲！
天氣越係開始有啲凍，就越想食啲凍冰冰嘅甜品！每次係香港食芋圓時，都有種想即刻飛去台灣嘅衝動😭 忠孝芋圓 ($68) - 仙草做底，面頭有芋泥同雪葩，加上芒果汁，令到芋圓個口感幾特別。
再加多杯每日限定嘅足料忠孝生果茶($38)，fresh!
食完都幾滿足，野食嚟講都幾台灣，比到我一種過一過嗰邊嘅感覺，下次等我迫下班 friend 陪我講普通話或者台語，咁應該更加有 feel！
張貼
