日常

營業中

休息中

十幾年街坊，都好支持西環小店，諗住試吓平時冇飲開嘅coffee shop, 但係入到舖頭之後侍應堅持停留喺水吧入邊，一步都冇走開過，要求客人喺吧枱拎餐牌，全程黑面，明明舖頭完全冇人，係零個人，但係座位有非常特定嘅要求，規矩亦特別嚴格。OK，坐低咗，諗住叫杯咖啡15分鐘就走，於是走返去好似一尊佛咁原地不動嘅侍應前面order，點知叫完一大餐之後先講有最低消費，格外理直氣壯，完全理解唔到點解呢個服務水平會係呢個價錢。本身都諗住飲過咖啡，同諗住佢咁嘅態度啲嘢飲嘢食一定好驚艷，佢鍾意收番最平嗰個午餐嘅價錢都俾佢，友人已經好隨和，但佢都實在接受唔到呢種猙獰嘅面目，於是走咗。呢種唔求變，唔變通，唔積極理得你去死嘅態度，連街坊都唔歡迎嘅舖頭，係呢個年頭呢個形勢，只好祝佢好運。