翠豐冰廳

營業中

休息中

🐳每個星期日嘅午餐都要喺觀塘附近搵食，而喺偉業街呢度新開左一間茶餐廳，今日就嚟呢度試下。🐳喺門口大大隻字寫住餐廳嘅名，所以一定唔會搵錯或者去錯餐廳。一入去，大部份嘅客人都係附近上班嘅建築工人，裝修工人或者地盤工人，所以餐廳比較多嘈雜聲。但係啲侍應姨姨就好好人，一見到我攞外套出嚟着，即刻幫我教細啲個冷氣，超級體貼。🐳至於食物方面，我哋叫咗一個是日午餐，仲叫咗一個較為西式嘅意粉。🐳是日午餐：蒜蓉牛扒拼蟹鉗配飯💰62奉送老火靚湯和熱飲☕️我覺得呢個餐都幾抵，佢碟飯都唔細㗎 ！而且又有老火湯飲，老火湯非常之足料，夠晒甜呀！牛扒雖然唔係好厚，但係都有薄薄地兩塊，味道都唔差㗎，另外仲有一個炸蟹鉗。🐳橄欖油香蒜帶子意粉💰72奉送餐湯或熱飲，凍飲加💰3而家喺茶餐廳都可以食到西式嘅意粉，而且都好有水準，呢個帶子意粉炒出嚟好香，唔係好油膩，帶子都有五，六件，適合一啲唔係咁想叫中餐嘅朋友。