影片
更多
2019-09-26
407 瀏覽
逢星期三屋企得我同呀媽食飯👩👧，加上佢就嚟生日，我就叫佢唔好煮，唔話佢知食乜嘅情況下帶佢食好西。呀媽剩係鐘意食中餐，所以諗落帶佢去食私房菜有海鮮食，佢應該都鐘意，加上同事親身食過推介有啲保證(佢係話連佢個煮婦媽媽都話ok)，帶住呀媽真係更加驚中伏😅。位置喺觀塘工廈，距離地鐵站都唔算遠，好彩經whatsapp book定枱同餐，一去到就有位同好快有嘢食😉，估唔到weekday都爆場。由於呀媽揀親嘢食都好煩，嫌三嫌四嫌貴明明有心水但又問你意見咁，所以我今次大膽啲book枱時訂埋餐🙈，訂枱時我同店員講帶呀媽食，佢就推介我叫花膠扒羊肚菌餐，按人頭收費$450，免加一，佢會問你個餐有無乜食唔食咁。雖然唔平，但難得請媽媽食一次就食好啲。第一樣嚟嘅係超開胃的麻辣手絲雞🐔，上碟好精美，原來係青瓜絲X雞絲嘅組合，我本身仲以為得雞。呀媽唔食青瓜🥒，所以唔聲唔聲搵哂啲雞絲嚟食，佢平日好少讚，但佢話呢個好好食。可能因為咁，佢開咗胃加對呢餐有啲期望，比平時食多好多嘢。第一度菜幾時都咁重要！我自己都鐘意個手撕雞，因為佢個麻辣真係幾惹味，夠哂麻，雖然都辣但都食到😋。第二樣就係額外order嘅潮州鹵水鵝(例牌)，其
位置喺觀塘工廈，距離地鐵站都唔算遠，好彩經whatsapp book定枱同餐，一去到就有位同好快有嘢食😉，估唔到weekday都爆場。由於呀媽揀親嘢食都好煩，嫌三嫌四嫌貴明明有心水但又問你意見咁，所以我今次大膽啲book枱時訂埋餐🙈，訂枱時我同店員講帶呀媽食，佢就推介我叫花膠扒羊肚菌餐，按人頭收費$450，免加一，佢會問你個餐有無乜食唔食咁。雖然唔平，但難得請媽媽食一次就食好啲。
第一樣嚟嘅係超開胃的麻辣手絲雞🐔，上碟好精美，原來係青瓜絲X雞絲嘅組合，我本身仲以為得雞。呀媽唔食青瓜🥒，所以唔聲唔聲搵哂啲雞絲嚟食，佢平日好少讚，但佢話呢個好好食。可能因為咁，佢開咗胃加對呢餐有啲期望，比平時食多好多嘢。第一度菜幾時都咁重要！我自己都鐘意個手撕雞，因為佢個麻辣真係幾惹味，夠哂麻，雖然都辣但都食到😋。
第二樣就係額外order嘅潮州鹵水鵝(例牌)，其實覺得個餐都夠食，不過呀媽鐘意食鵝，所以叫比佢食。鵝肉唔鞋口👍，鹵水完都唔會太鹹，亦可點檸檬醋食；但呀媽就話可以濃味啲。份量就當然夠哂2個人食，但如果多幾條友呢份例牌就未必夠🤔。
第三樣上嘅就係什菌大蜆豆腐湯，一人一碗熱辣辣送上🥣，真係好熱，但湯就係要熱先正‼️。個湯清清哋亦都幾鮮，啲料就如個湯名所述。煲熟咗嘅芫茜辟腥之餘仲好香，全部食哂！題外話呢到基乎每款菜式都有用芫茜點綴☘️。
第四樣係蒜蓉粉絲蒸蟶子皇，個set可揀前者或流沙黃金蝦，蝦就平日食得多啲，所以揀蟶子，真係勁長勁大隻，一啖食唔哂😍。蒜蓉量超多，有白飯配會超正！好新鮮，我嗰隻有少少韌，但我媽佢話佢嗰隻好爽無事。下面啲粉絲唔多亦唔算特別索汁，無乜特別。
第五樣就係其中一個主角喇，避風塘炒大肉蟹🦀。避風糖粒係海量咁多，勁脆勁香口，完全無炒過籠嘅苦味，但如果有少少辣就更好，我直頭用匙羹食🤣。其實有幾種味揀，例如四川辣炒、胡椒等，比較想試會係花雕雞油蛋白蒸，因為可以食埋蛋，但好彩無叫，因為已經夠哂飽。肉蟹好大隻，夠厚肉，不過唔算超甜，喺街食蟹真係好唔方便，因為要拆殻，雖然已經扑開咗啲，但都要再用鉗夾🙈。好在有濕紙巾同埋避風糖炒已經無咁多汁哈哈。
第六樣就係薑蔥炆龍躉腩，佢喺我哋就嚟食哂蟹嘅時間就上咗，但由於食蟹食得太慢，所以無喺熱辣辣上嗰陣食咗先有啲可惜😔。呢個龍躉腩勁好食，外面稍為炸過下，魚肉有彈性又鮮，大大啖肉，得一條大骨，加上個薑蔥汁夠鹹好好食。呢道菜一開始相對無乜期待，但反而帶比我驚喜🤩。
第七樣就係另一大主角，花膠扒羊肚菌。老實講我真係未食過羊肚菌🙈，但聽講過好有益。呢日終於有機會一嚐，首先個汁唔會太濃搶咗主角味道👍，二嚟兩樣嘢一齊食好夾。花膠好滑但唔會潺，而羊肚菌就有啲啲似竹笙嘅質感，味道少少甘，幾特別。食完飯行附近超市先留意返原來咁貴，要$700+先得100g😱。
第八樣係🍓士多啤梨骨，其實食完上道菜已經好飽🙈，不過梗係繼續試埋。士多啤梨醬配上金沙骨，第一次食呢個配搭，又唔錯喎，我一開始以為會係好甜嗰種，點知又唔係，咁樣仲好，無咁漏👍，呢個係set入面較多肉嘅一味XD。
第九樣係蟹油銀芽炒麵，我覺得即係豉油王炒麵🤣，略嫌有少少乾身，但有油香同芝麻搭救，另外我亦鐘意佢夠多芽菜。不過好大碟啊，雖然味道都唔錯，但都係食剩少少👉🏻👈🏻。
第十樣十全十美就係是日甜品🍮，應該係香芋藍莓布甸，質感好滑，有淡淡嘅芋頭香，味道唔會太人工太假，好彩份量細細，食得哂，為呢一餐劃上完美嘅句號😊。.
總括嚟講，呢餐嘅食物味道同用料真係無可挑剔，定價係貴，不過絕對對得住個價錢。如果食返同一堆菜式，喺旺區一定唔指呢個價，呢到環境比較簡約，收費正正係比咗喺食材同烹調功夫到。呢到按人頭收費，所以份量會預到啱啱好，不過有咁多味菜，所以都係會飽🤣。另外，服務亦好好，店員有禮貌同細心，會留意你幾時食完先上另一碟菜。呢次嘅私房菜體驗好唔錯，媽媽食得好開心，連佢都讚好👍。同事果然無推介錯，我亦會推薦其他朋友嚟呢到家庭聚餐🥢。
張貼
