港灣茶餐廳

營業中

休息中

如果去到會展，又或者在附近工作，食晏其實沒太多選擇，這兒雖然不算出色，但總算聊勝於無。食物都是一般茶餐廳貨色，如花得起錢的我會建議焗飯，想慳錢的我會強烈推薦食粉麵，經長時間的測試後有兩款為心水推介，第一是沙嗲肥牛粉，其次是冬陰功豬頸肉。或者大部份人都唔會發覺，這裡的湯頗為不俗，而且價錢相宜，本人尤其喜歡其牛尾湯，而碗仔翅也不錯。開餐廳有時好講地利，此店最聰明之處係地點就腳兼無直接競爭對手，論價錢會展的食肆出名貴，所以這兒己算相對較平。但你要物有所值就要識得點菜，通常第一次去的食客好難會覺得抵食，試多幾次先會懂得避重就輕，但一般顧客其實都係求其醫肚，論服務速度此店都算稱職。