喜記避風塘炒辣蟹 (肇明大廈)

營業中

休息中

帶親戚去食飯，其實我自己好想食避風塘辣炒蟹，不過佢哋唔食辣又對蟹敏感，於是就下佢哋叫其他海鮮小菜，都一樣精彩。上湯水浸蜆，非常大鍋，有香蔥同大量粉絲，上湯一浸就可以，蜆肉鮮甜量多。招牌醉鮑魚，兩個字：好吃！醉汁調味濃淡適中，鮑魚肉質爽彈，忍唔住啜埋啲汁。椒鹽白飯魚+ 椒鹽焗鮮魷：炸嘢我哋最鐘意，食到停唔到口，白飯魚酥炸完卜卜脆；鮮魷外酥內軟；椒鹽好熱氣又好惹味。黃金大蝦，又係大大隻，足稱，金沙咸蛋裹住成隻蝦，連個殼都要啜埋唔好放過。生炒骨，正常發揮，配三色椒同洋蔥，勝在個咕嚕汁，同埋份量多。又係好飽的一餐。中菜館黎講，坐得舒服又多海鮮菜式，一大班人食最合適不過。