餐牌上的食物都是我們慣常食的款式, 主要以輕食為主, 冷盤小食/麵食/飯類/雲吞點心/甜點, 選擇頗多, 價錢大部份都是30幾蚊起, 小籠包50幾蚊, 比起傳統上海菜館經濟好多, 叫多幾款餸都仲得...... 未食主餐已被其獨特的茶吸引, 顏色帶點金綠色, 味道清淡得來又帶點炒香米味, 吸引我飲完一啖又一啖, 問問店員才知這是蕎麥茶, 而它更具有健體功效, 能排毒, 改善血液循環及降低血壓等等, 大家不防多飲幾杯.
蕎麥茶 ~ 每位$6, 我喜愛那種麥香味, 未試過上海店會提供這種茶, 一般只會有水仙、鐵觀音.....見她們FB罐裝蕎麥茶快將做優惠, 到時可以買回家慢慢品嚐.
1
自選小食拼盤4小碟 ~ 很好的自由選擇, 8款小食任揀4款, 雖然每款份量不多, 但比起散叫更經濟. 我們揀了醉雞: 肉質不實但又不嬾滑, 酒味尚可; 肴肉: 4件剛好夠分, 質地不夠爽口, 每塊的肉與膠凍比例不平均; 糖醋骨: 每件都有肉有骨, 肉質軟熟, 顏色夠深, 糖與醋的味道調配適中; 涼拌木耳: 一朵朵爽脆的小木耳, 汁料帶有少少wasabi味道, 廷開胃.
手抓餅: 一碟2件, 上碟時熱辣辣, 餅內有少量蔥碎, 如能配有醬汁的菜式一起食會較好.
蒜蓉炒芥蘭: 不知是否因為$28所以份量較少, 上碟看不多蒜蓉, 但食落便有大大蒜蓉味. 幼身芥蘭似芥蘭苗, 很爽嬾
1
鮮肉小籠包: $58/5隻, 皮薄湯多, 肉不肥, 熱辣辣, 驚喜! 
1
薺菜肉雲吞: 每去一間新的上海店必要試菜肉雲吞, 難得這裡打正旗號用薺菜, 更加要試, 因為大部份餐館是用小白菜, 我喜愛薺菜較爽口. 菜既比例多過肉是我最期望的, 這裡做到, 雲吞皮薄, good!! 不過...食落感到有少少梘水味.....而湯底較淡.....所以不太回味.
紅油抄手: 雲吞皮同樣皮薄, 肉粒頗大, 灑上炸蒜碎, 紅油不辣, 整體味道一般.
自選甜品拼盤: 又是自由選擇4款甜品, 中式+西式創作, 4款味道都不太甜. 棗泥糕: 濃香棗泥味, 質地煙韌; 南瓜紅豆糕: 這款質地較實, 沒有南瓜味; 綠茶奶凍/杏仁茶奶凍: 兩款奶凍質地軟滑, 味道濃郁.
