銘陽車仔麵

營業中

休息中

今日去左銘陽度食lunch，一排冇去問一問d staff先知原來搬左鋪位，搬左個轉角位。諗住試試佢啦，話曬都幾耐冇食，本來以為會跌watt，哎呀又冇乜事喎，keep得返個水準。我嗌左牛肚同牛腩，真係幾推薦刀削麵雖然荃灣有幾間，但係銘陽嗰配菜係比較特別。咁嘢飲都係嗌返凍奶茶，天時暑熱，但係呢間杯奶茶係有陣綠茶味，唔鍾意綠茶冇得講，但係真係係有別於其他鋪頭嘅奶茶，係值得一試。我自己就比較大食，同埋有d餓，就唉埋兩個小食，方方地嗰個係呢度老闆娘嘅拿手嘢墨魚餅，次次黎親都食，另外就係椒鹽魷魚酥，呢個就冇咩特別，但係可以一試，同其他魷魚酥冇咩分別。以前食開可以繼續黎，未食過嘅可以坐低試試，整體幾好，下午茶時間去都不我地過。