誠記

營業中

休息中

以前香港D大排檔宜家都搬上樓且物價愈發誇張，啱好聽人話誠記以前做廚嘅大師傅退咗休，今次經過熟食街市特意去試吓懷舊既味。誠記嘅沙嗲牛一向係比較出名嘅，以前嘅師傅拿手主打餸就係沙爹牛。但講真宜家沙爹牛肉同牛腩牛筋確實冇以前咁好食，食唔翻當年嘅feel。汁底冇以前咁濃，清咗好多，只能話介於合格到良好嘅水準，味唔會差餸嘢食嘅話都係OK嘅。炸雞翼就OK味道唔會輸。咁豉油王炒麵本身就係食佢啖鑊氣，而呢碟炒麵鑊氣依舊十足不輸當年，麵食偏鹹口D仲有一絲蔥薑蒜爆出黎嘅味真係好絕，整體係極具粵味嘅。呢碟嘢都算係挽回誠記作為大排檔嘅鑊氣代表喇。（食得太盡興炒麵唔記得影hhhh）仲有個客飯係同行嘅朋友食，我就未食到唔好評價。