影片
更多
2021-09-28
146 瀏覽
香港好似好多西班牙菜餐廳，但係多數集中晒喺中上西環，港島東真係比較少見。今日就去咗跑馬地嘅Rojo。一嚟到，就見到佢哋做緊買一送一嘅Cava promotion，所以揀左同法國香檳區釀造香檳方式一模一樣既西班牙汽泡酒，飲落去有少少似香檳，少少dry而氣泡偏細綿，當然由於唔係香檳區出產，唔能夠正式叫做香檳。作為前菜兼佐酒小食，我哋就叫咗西班牙薯仔軟臘肉腸蛋餅，由於我從來都未食過，感覺都幾新奇，唔知點解有啲似日本嘅大阪燒，但蛋餅嘅外層煎到脆，但係入面就保持到滑蛋嘅質地，洋蔥同埋臘肉味都好突出。食西班牙野又點少得黑毛豬，所以我哋都叫咗西班牙橡果飼黑毛豬風乾腿，風乾左48個月，黑毛豬嘅鹹香味非常之濃厚，亦都充滿油香。主菜叫咗墨汁西班牙海鮮飯，用墨汁整嘅西班牙海鮮飯比平日食到嘅更加香，餐廳亦都用咗蜆、青口、魷魚、蝦幾種唔同嘅海鮮，蝦亦都好貼心咁剝咗殼，材料豐富，同時加咗豬腩肉炒，相信係為咗令到啲飯食落去更加香口，份量亦都足夠兩個人分享。作為總結，叫咗焦糖朱古力脆脆餅配雪糕做甜品，雖然係焦糖嘅甜品，但唔會過甜，會有少少酸嘅士多啤梨雪糕味道好清新，而且脆脆餅同埋雪糕側邊都有啲餅碎，撈埋食可以試到唔同
Cava
6 瀏覽
0 讚好
0 留言
一嚟到，就見到佢哋做緊買一送一嘅Cava promotion，所以揀左同法國香檳區釀造香檳方式一模一樣既西班牙汽泡酒，飲落去有少少似香檳，少少dry而氣泡偏細綿，當然由於唔係香檳區出產，唔能夠正式叫做香檳。
西班牙薯仔軟臘肉腸蛋餅
12 瀏覽
0 讚好
0 留言
作為前菜兼佐酒小食，我哋就叫咗西班牙薯仔軟臘肉腸蛋餅，由於我從來都未食過，感覺都幾新奇，唔知點解有啲似日本嘅大阪燒，但蛋餅嘅外層煎到脆，但係入面就保持到滑蛋嘅質地，洋蔥同埋臘肉味都好突出。
西班牙橡果飼黑毛豬風乾腿
9 瀏覽
0 讚好
0 留言
食西班牙野又點少得黑毛豬，所以我哋都叫咗西班牙橡果飼黑毛豬風乾腿，風乾左48個月，黑毛豬嘅鹹香味非常之濃厚，亦都充滿油香。
墨汁西班牙海鮮飯
11 瀏覽
0 讚好
0 留言
主菜叫咗墨汁西班牙海鮮飯，用墨汁整嘅西班牙海鮮飯比平日食到嘅更加香，餐廳亦都用咗蜆、青口、魷魚、蝦幾種唔同嘅海鮮，蝦亦都好貼心咁剝咗殼，材料豐富，同時加咗豬腩肉炒，相信係為咗令到啲飯食落去更加香口，份量亦都足夠兩個人分享。
焦糖朱古力脆脆餅配雪糕
7 瀏覽
0 讚好
0 留言
作為總結，叫咗焦糖朱古力脆脆餅配雪糕做甜品，雖然係焦糖嘅甜品，但唔會過甜，會有少少酸嘅士多啤梨雪糕味道好清新，而且脆脆餅同埋雪糕側邊都有啲餅碎，撈埋食可以試到唔同嘅口感，非常有驚喜。
張貼
