黑木堂

營業中

休息中

當黑木堂仲係一間十個人都坐唔落既舖仔個陣，已經係佢FANS 黎，見到佢發展成一間「似模似樣」既餐廳，真係好~佢地既刺身飯可以講新鮮、大份夾抵食! 海膽卷 -- 店內貼住推廣價$22，點左餐之後話無貨，要改用加拿大海膽，所以要收$34算啦，忍住唔發作，都係有限錢黎0者講返味道，海膽味道好濃郁，甘香滑溜~ 唔知係唔係想補償返，海膽份量好多~~ 好味到三啖搞掂左個手卷，凡事留一線係有價值既!食完個手卷整返件酸薑，清淨下個味蕾，然後又主角登場!櫻花丼 -- 個名幾浪漫，即係「雜錦刺身丼」，刺身包括吞拿魚、鮭魚、蟹子，仲有大量玉子粒、青瓜粒，食落每啖都有魚鮮味又有爽脆口感，間唔中食到玉子粒，有陣陣蛋香，真係食野唔好講野，拿拿臨掃哂去先講 壽司飯粒粒分明，黏黏的但帶點嚼勁~~ 今餐真係好滿足啊!另一要點，呢個丼$48，呢個價錢加呢個質數，特登黎大角咀是值得的未天黑前經過影的店面，真係「由細細間睇住佢大」，好有感情