Apinara

營業中

休息中

呢間喺金鐘嘅泰國餐廳係我同男朋友至愛食嘅泰國餐廳，今日又同佢過嚟encore，呢間餐廳唔單止環境靚，啲嘢食仲好高質，有啲菜式帶點fusion，幾特別。首先點咗泰式椰子蜆煲，冬天食返一碗熱辣辣嘅煲真係好正，煲下低仲有蠟燭保持佢嘅溫度，好貼心。椰子蜆煲落咗好多香料，亦都有我至愛嘅芫荽，味道酸酸辣辣，非常開胃。蜆肉大大隻，好新鮮。仲有一條條嘅椰子肉，好正。另外重點咗黃咖喱軟殼蟹，軟殼蟹係我食過最好食，外殼好香脆，入面有啖啖蟹肉，加埋惹味嘅咖喱，撈飯食一流。我哋都點咗蝦片過下口癮。