黑門水產すいさん (棉登徑)

營業中

休息中

一排冇食又想食，就去咗位於尖沙咀嘅黑門水產。呢度係一間以新鮮海鮮為主的日式餐廳，提供豐富多樣高質嘅海鮮料理。.首先，講下佢哋嘅鱈魚白子。呢個菜式以鱈魚嘅軟滑白子為主角，配上柚子汁。每一口都帶來濃郁嘅海水同鮮甜味。.再嚟就係北海道蜜柑鯛薄切刺身。呢款刺身將北海道蜜柑鯛切成薄片，質感鮮嫩，帶有微妙嘅甜味。食落去清新爽口，令人感受到海鮮的原汁原味。.接著就係黑門令蟹味噌曱羅燒。呢款菜式係招牌，必叫。以新鮮嘅蟹肉蟹膏，製成嘅味噌燒為主，肉質鮮美，味道濃郁。每一口都帶來滿滿的蟹味，令人回味無窮。料好多，如果餅乾唔止一塊就好。.再嚟就係黑門令龍蝦湯煮海鮮。呢個都係我嘅必食item! 菜式以鮮嫩嘅龍蝦湯煮海鮮為主，龍蝦湯底鮮甜豐富，令海鮮更加鮮美。有八爪魚，蝦，菇，芋絲，吸收晒濃郁嘅龍蝦湯，每一口都帶來龍蝦湯底嘅濃郁味道，令人垂涎欲滴。,總括而言，佢哋嘅菜式新鮮美味，食材用料上乘，香港少見嘅質素。而且，黑門水產嘅服務亦都好細心，員工態度友善，會不斷針水，唔洗要求。店內環境好靚，好似去咗日本咁，坐得舒服，用餐體驗愉快。