牛気 (如心廣場二期)

營業中

休息中

一直都好鍾意食日式邊爐放題，不過成日都食某幾間，朋友介紹原來呢間都好出色，咁就一於嚟試吓啦。一去到就見到原來係牛気嘅10周年，有好多優惠同埋升級，真係好好彩。我哋只係叫咗二百零蚊嘅level，但係朋友話呢個level既牛肉質素已經好高，好期待呀。湯底一拎上嚟已經好香，而且好快就俾咗牛肉我哋。除咗牛肉之外，出面仲有好多唔同嘅熟食，一出到去就見到一個好靚嘅關東煮，直程好似去咗日本咁。試咗佢嘅蘿蔔同埋魚丸，非常入味，估唔到佢除咗牛之外，其他熟食都咁出色。我認為最值得讚嘅就係佢呢個美國極黑牛，因為本身唔鍾意太肥嘅牛肉，但係佢肥瘦適中，而且牛尾好充足，淥幾秒就食得，唔使點醬汁都好好食。呢度仲有焗蠔任食，食多幾隻都可以回本啊。朋友話呢度嘅三文魚刺身都好出色，而且都係任食，我試咗幾舊真係唔錯，肥瘦適中而且魚味好夠。呢間日式火鍋又平又抵食，而且仲有好多估唔到嘅熟食，朋友真係冇介紹錯，下次都一定會再嚟啊。