廚魔名人坊 (已結業)

今晚車車抱朋友大腿嚟到中環E間由富哥(鄭錦富)同廚魔Alvin Leung合作開設嘅新餐廳廚魔名人坊食晚餐! 餐廳空間感十足, 裝潢雅緻舒適, 周圍都擺放左唔同嘅畫作同擺設, 十分有格調! ✨️燕窩釀鳳翼E道前菜係車車其中一道特別令人難忘嘅菜式嚟, E道菜無論調味同烹調技巧都相當精湛, 金黃香脆嘅外皮入面釀滿以上湯煨過嘅官燕, 一啖咬落去外脆爆汁, 香口惹味, 燕窩順滑嘅口感結合肉質鮮嫩嘅鳳翼, 忍唔住一口接一口✨️青瓜拼蔥油海蜇非常清爽開胃嘅前菜, 爽脆嘅青瓜本身同爽滑嘅海蜇, 本身已經係好朋友, 配搭蔥油香氣令層次感更豐富✨️杏汁燉白肺湯奶白色嘅湯汁質感濃稠, ,未飲經已聞到陣陣杏香, 飲落口感非常濃郁, 先係飲到杏仁嘅味道, 之後到甜味, 再嚟先係肉嘅味道, 幾有層次感✨️竹笙紅燒豆腐E道菜嘅精湛之處就係豆腐, 係暫時食咁多紅燒豆腐最好食嘅一碟, 醬汁味道剛剛好, 好有家常小菜嘅味道, 豆腐口感鮮美嫩滑, 滑嘅程度係係口腔中浪浪下, 食完之後覺得非常滿足呢✨️家鄉蒸龍躉腩龍躉腩味道鮮嫩肉厚, 肉質蒸得剛剛好非常嫩滑, 係上面淋上蒸魚醬汁同食,更加鮮美, 配白飯一絕✨️富哥咕嚕肉係車車食過最好