影片
更多
2024-08-18
367 瀏覽
👩🏻發掘下啱同屋企人聚餐嘅餐廳～呢間餐廳環境好靚好modern。主打新派川菜，又靚又好味，女士一定鐘意！🌟金絲和田玉$95/half喺OpenRice見到其他人食覺得好靚所以嗌😌。冬瓜肉砌成一串青提子咁，賣相固然滿分，估唔到又幾好食。冬瓜肉煮到好腍，瑤柱雞湯嘅鮮味餵晒入去。食川菜嘅時候覺得特別清新。🌟華炒手$105雲吞皮又薄又滑，包住鮮甜嘅豬肉餡。我鐵意佢哋嘅醬汁唔係純粹嘅辣，有少少甜口，有層次之餘更加有特色。🌟一口燻魚$120甜口微酸嘅醬汁，配合魚皮炸得酥脆嘅口感，係經典上海燻魚嘅口味。用鱸魚製成嘅燻魚完全冇骨，雖然魚味較淡，但絕對足以俘虜懶人嘅芳心😍😍😍。🌟乾煸茶樹菇$135茶樹菇煸得乾身香口，濃郁嘅菌香加上辣椒、肉末，味道偏濃偏鹹，但配白飯食就啱啱好。🌟濃香陳年黑醋肉$195Bite size嘅肉粒外脆內軟，均勻地裹上黑醋汁。醬汁味道溫和香醇帶甜口，大人細路都啱食。🌟辣子蝦球$230蝦肉以金黃嘅脆漿包裹住，彈牙又鮮甜。加埋芝麻、腰果，多咗份香口。咁多款菜式嚟講呢款辣度最高。有小朋友嘅可能要嗌小辣。🌟四川擔擔麵$90同平時食開嘅擔擔麵口味有啲唔同。偏重肉末嘅香味同辣味，帶有少少花生
👩🏻發掘下啱同屋企人聚餐嘅餐廳～呢間餐廳環境好靚好modern。主打新派川菜，又靚又好味，女士一定鐘意！
🌟金絲和田玉$95/half
喺OpenRice見到其他人食覺得好靚所以嗌😌。冬瓜肉砌成一串青提子咁，賣相固然滿分，估唔到又幾好食。冬瓜肉煮到好腍，瑤柱雞湯嘅鮮味餵晒入去。食川菜嘅時候覺得特別清新。
🌟華炒手$105
雲吞皮又薄又滑，包住鮮甜嘅豬肉餡。我鐵意佢哋嘅醬汁唔係純粹嘅辣，有少少甜口，有層次之餘更加有特色。
🌟一口燻魚$120甜口微酸嘅醬汁，配合魚皮炸得酥脆嘅口感，係經典上海燻魚嘅口味。用鱸魚製成嘅燻魚完全冇骨，雖然魚味較淡，但絕對足以俘虜懶人嘅芳心😍😍😍。
🌟乾煸茶樹菇$135
茶樹菇煸得乾身香口，濃郁嘅菌香加上辣椒、肉末，味道偏濃偏鹹，但配白飯食就啱啱好。
🌟濃香陳年黑醋肉$195
Bite size嘅肉粒外脆內軟，均勻地裹上黑醋汁。醬汁味道溫和香醇帶甜口，大人細路都啱食。
🌟辣子蝦球$230
蝦肉以金黃嘅脆漿包裹住，彈牙又鮮甜。加埋芝麻、腰果，多咗份香口。咁多款菜式嚟講呢款辣度最高。有小朋友嘅可能要嗌小辣。
🌟四川擔擔麵$90
同平時食開嘅擔擔麵口味有啲唔同。偏重肉末嘅香味同辣味，帶有少少花生香，極香極惹味。
🌟鮮果四川冰粉$80
一上枱先發現賣相咁靚，士多啤梨花🍓好精緻。冰粉口感比起平時食開嘅實淨，撈埋乾果、山渣片，其實都係平時嘅味道😌。
張貼
