唯一麵家

營業中

休息中

同朋友行葵廣，買到大包小包，想歇歇腳， 不如早啲食晚飯，望咗幾間食肆，係唯一麵家坐得最鬆動，就食呢間啦星期六都有下午茶餐不特止，仲到七點，都幾多選擇，店家又幾慷慨喎我哋點咗酸辣幼麵同香茅豬扒幼麵，餐飲揀豆漿酸辣幼麵 - 湯嘅味道調配得幾好，朋友覺得偏酸，但我呢個愛酸之人覺得剛好，而且辣味好出，又唔會煮到太杰；餸方面就係常見嘅豬紅、豆腐、肉絲、冬菇、荀絲、蛋花，豬紅同豆腐切到大大粒，反而更加食到食物嘅原味。雖然麵煮得有啲淋，唔夠掛湯，但事前應該有過冷河洗走啲粉漿，先能夠保持湯嘅清澈，應記一功香茅豬扒幼麵 - 豬扒肉質有彈性唔會死死實實，湯底清清地，配雪菜嘅咸味同口感，唔錯成個餐份量都唔少，本來諗住食完未必夠飽要再去掃街，點知就餵飽咗我哋兩個正常食量嘅女仔，最緊要係坐得舒適，價錢經濟，醫完肚再去血拼！臨走見到幾枱都食緊餡餅，賣相好吸引，下次再試！