皇室冰廳 (已結業)

每一日都一定要食早餐嘅我，今次就試咗呢一間皇室冰廳嘅全日早餐！價錢來講就真係相當貼地，一份即叫即炸深海吉列魚柳早晨全餐，都只係$39 ，非常抵食！而且呢個早晨全餐亦都係好分量充足！我自己好鍾意食呢一個吉列魚柳，吉列嘅炸粉啱啱好，可以食到外脆內軟，入面仲要係好香熱辣辣嘅魚柳！非常滑嫩！另外就係早餐一定要食嘅薯餅，薯餅亦都係炸得金黃鬆脆，薯仔好香！而且炸得非常乾身，一啲油膩嘅感覺都冇另外仲有滑蛋，火腿，腸仔，多士！真係一個非常豐富嘅早晨全餐，基本上入面嘅配料全部都係我自己鍾意食嘅食物！所以整體來講都非常滿意😌可以成為一間食早餐嘅飯堂啦🤣🤣