番茄師兄

營業中

休息中

今日食咗師兄推介-番茄濃湯麵 既滑一滑番茄濃湯麵。佢本身就有新鮮滑牛同炒滑蛋。麵底方面就有上海麵，米線，日式拉麵，烏冬，通粉，如果你係唔食麵既話仲可以揀菜底。而配料都可按自己喜好都加。好似炒蛋（＋$5)，芝士（＋$5) 呢啲咁。。因為我個湯有炒蛋咁我就加咗芝士，揀咗烏冬。個湯底真係好濃，仲可以食到好細既番茄粒。炒蛋唔會會熟過頭。真係好好食。而飲品就揀咗桂圓紅棗桑寄生茶，好養生既味道，哈哈。因為店鋪地方唔算大，所以要等得有啲耐。不過好食既嘢值得等。