新泰東南亞餐廳 (已結業)

今日嚟咗泰國菜，一入門口就見到幾個泰國阿姐勁好笑容咁招待，已經好surprise。餐廳好大，但係坐得好滿，好多一家大細過嚟食飯，氣氛唔錯。Menu都好多嘢搞，小食，前菜，湯，泰式BBQ，主菜，都應有盡有選擇相當之多。叫左幾樣野： 越式蝦米紙卷泰式生蝦麵包焗咖哩軟殼蟹燒豬頸肉越式蝦米紙卷口感比較清淡，食材新鮮，加埋醬汁有好Fresh嘅感覺，做前菜係個好好嘅選擇。黎得食泰菜，梗係唔少得泰式生蝦啦！生蝦非常新鮮，冇得彈啊！燒豬頸肉非常入味，唔錯唔錯！麵包焗咖哩軟殼蟹真係超級值得推介，係邪惡嘅咖喱醬浸喺有軟殼蟹嘅麵包入面，夠晒creamy又濃郁，送麵包一流！最值得推介嘅係呢度嘅服務態度，各位泰國阿姐都好好笑容，又好禮貌，而且食物性價比高，同朋友家人gathering必到！