Apinara

營業中

休息中

呢間應該算係我喺香港食過最好食既泰國餐廳之一。泰式珍寶生蝦刺身呢個正常水平，肉質爽口，並唔會淋pat pat，不過就同預期有啲落差，並唔係真係咁珍寶，有點偏貴。泰式蟹肉奄列呢個認真係推介，蟹肉鮮甜，蛋好脆身😍😍，炸得好香口泰式鴛鴦海南雞無論傳統定脆炸都處理得非常之好，肉質鮮嫩，已經起哂骨，淡淡肉。傳統一方保持左海南雞應有既油雞，同時又唔會太肥膩，食落去每一啖都肉汁豐富。脆炸既一方十分脆口，表面粉醬並唔會太厚，亦無炸得過火既情形，所以肉汁亦得以保持。紅咖哩和牛肋肉咖哩辣度啱啱好，牛肋肉相當淋身入味，整個汁襯白飯或者印度簿餅都十分一流。印度簿餅油香味十分之重，而且熱辣辣又夠鬆🤤，用嚟襯咖哩索哂啲汁，正呀。大蝦蝦頭膏炒河粉蝦膏嘅味道十分之香，河粉粗身既，每一條都有蝦油既香味，而且蝦肉爽口。椰子沙冰椰子味十分之香濃，凍冰冰，好解渴。而且配上一絲絲既配料，十分爽口。