影片
更多
2023-01-13
359 瀏覽
之前喺九龍塘幫襯過 質素好好 見到北角又開咗 滿心歡喜去幫襯 點知質素同九龍塘比真係差天共地 嗌咗杯熱朱古力 一杯果汁（青蘋果。奇異果。提子）德洲煙腩片燒烤牛肉漢堡包（配薯條沙律）雲朵烈日下的飯（日本雲朵蛋煙三文魚帶子黃薑飯）首先杯熱朱古力俾我盲測 我以為自己飲緊麥記熱朱古力奶 完全同九龍塘嗰間用靚可可粉沖出嚟又拉花係兩回事 佢未至於叫唔好飲 但真係同麥記嗰杯一樣 但賣你46蚊 果汁係新鮮生果打出嚟 好新鮮好味漢堡包 唔知係咪因為佢又煙熏又燒烤特登營造咁乾身嘅口感 成個包超級dry 舊肉好老好乾 零汁 配埋啲生菜蕃茄同芝士 係叫流出嚟嘅芝士擔當汁嘅一角吧 因為真係一滴汁都無 係唔記得加汁定特色？ 係特色 至少烤舊肉都應該有肉汁呀。。。 薯條係粗薯 正常發揮 沙律菜都新鮮雲朵飯 我第一啖食落去覺得好腥 我應該係咬到舊三文魚 但我從來未試過食三文魚會食到腥味囉 可能第一啖味蕾已被腥味污染 成個飯我都覺得唔好味 黃薑飯係無黃薑味 只係䶢䶢地嘅飯 啲飯又唔乾身 好濕 啲配料似乎唔新鮮 至於個雲朵其實我唔識欣賞 咬落去就係無味同化為無物咁嘅質感。。。 我只能話唔啱我食 其實佢整得幾靚 一拮落個蛋
嗌咗杯熱朱古力 一杯果汁（青蘋果。奇異果。提子）
德洲煙腩片燒烤牛肉漢堡包（配薯條沙律）
雲朵烈日下的飯（日本雲朵蛋煙三文魚帶子黃薑飯）
首先杯熱朱古力俾我盲測 我以為自己飲緊麥記熱朱古力奶 完全同九龍塘嗰間用靚可可粉沖出嚟又拉花係兩回事 佢未至於叫唔好飲 但真係同麥記嗰杯一樣 但賣你46蚊
果汁係新鮮生果打出嚟 好新鮮好味
熱朱古力 果汁
$4
3 瀏覽
1 讚好
0 留言
漢堡包 唔知係咪因為佢又煙熏又燒烤特登營造咁乾身嘅口感 成個包超級dry 舊肉好老好乾 零汁 配埋啲生菜蕃茄同芝士 係叫流出嚟嘅芝士擔當汁嘅一角吧 因為真係一滴汁都無 係唔記得加汁定特色？ 係特色 至少烤舊肉都應該有肉汁呀。。。
薯條係粗薯 正常發揮 沙律菜都新鮮
德洲煙腩片燒烤牛肉漢堡包（配薯條沙律）
$138
4 瀏覽
0 讚好
0 留言
德洲煙腩片燒烤牛肉漢堡包
$138
5 瀏覽
0 讚好
0 留言
雲朵飯 我第一啖食落去覺得好腥 我應該係咬到舊三文魚 但我從來未試過食三文魚會食到腥味囉 可能第一啖味蕾已被腥味污染 成個飯我都覺得唔好味 黃薑飯係無黃薑味 只係䶢䶢地嘅飯 啲飯又唔乾身 好濕 啲配料似乎唔新鮮 至於個雲朵其實我唔識欣賞 咬落去就係無味同化為無物咁嘅質感。。。 我只能話唔啱我食 其實佢整得幾靚 一拮落個蛋黃度 啲汁流哂出嚟 不過個飯本身已經濕 配埋個蛋黃更加似食緊粥咁。。。
雲朵烈日下的飯（日本雲朵蛋煙三文魚帶子黃薑飯）
$130
9 瀏覽
0 讚好
0 留言
個餐湯同蒜蓉包就唔錯嘅 湯夠濃稠 蒜蓉包又脆又香口
餐湯
2 瀏覽
0 讚好
0 留言
餐湯配蒜蓉包
7 瀏覽
0 讚好
0 留言
整體而言 嘢飲同食物都令我好失望 強差人意到咁 我就唔會再幫襯 再keep住依個質素 點同同區競爭 北角cafe多的是 又唔係似九龍塘位置無得揀
其實搞唔掂食物 不如好似九龍塘咁提供輕食咪算囉 佢依家嘅感覺似係想提供多元化俾顧客 但又顧唔到質素 想同做到係兩回事
張貼
