泰濃麵 (樂道)

營業中

休息中

泰濃麵主要就係食泰國湯麵既，有三款唔同既湯底揀：船湯、冬蔭功湯同埋清湯，另外麵類既選擇都好多。湯底係用左好多唔同既香料煮成，顏色好深色味道好濃郁😍而且係冇落味精既！1️⃣黑豚肉船麵（$68）配料黎講兩碗船麵係一樣既，有炸豬皮、魚蛋、蘿蔔、炸蒜、秋葵。蘿蔔夠索湯夠淋，魚蛋好彈牙，炸豬皮就普通，有少少淋左唔夠脆。另外呢碗揀左黑豚肉，豚肉偏瘦，切薄片。麵方面揀左金邊粉，份量都唔少。  湯底係超深色超濃味，飲落甜甜地，好香濃😍  2️⃣頂級美國肥牛船麵（$68）基本配料湯底都係同上一碗一樣。另外揀左肥牛，肥牛係都幾多片，但係真係偏肥啲，同埋會有少少韌，不過都ok既😌另外呢款既麵揀左薯粉，薯粉好正！係幼身既，好煙韌好好食！建議黎食既話一定要試下薯粉！