影片
更多
2022-09-03
2529 瀏覽
🔅Sushi sase 鮨佐瀬 🔅中環🔅Omakase🔅父母榮休，於是決定同佢地食餐超好食嘅壽司廚師發辦去賀一賀佢！蔡瀾話廚師發辦係渣野，我就唔同意，我仲覺得超開心，事關我只食魚、男朋友唔食蝦、媽媽唔食魚、爸爸咩都食，如果唔係有廚師發辦，我係唔知點樣令所有人happy！😂Sase師傅9月會離開香港，所以要好好把握機會食佢主理嘅餐廳🫶🏻 師傅來自北海道，所以最主要食材係來自北海道！今餐用料非常新鮮同高質，真係驚豔全場！Mini Omakase set 係包括～一個前菜、5個刺身、一個熟食、5款壽司，同埋一個甜品～每人$1050～以食物質素黎講，我依然覺得係超值！以下介紹並唔係一個full set，因為我地太嘴刁，所以真係每個人都有啲野唔同！🫶🏻 前菜係北海道冷麵（綠色）同魚麵（白色）配鮮蝦同玉米筍！兩種冷麵放埋一齊令人立即感受到冷麵嘅分別，魚鮮味同口感都好特別！🫶🏻 刺身本人最愛當然係拖羅！師傅準備俾我地嘅係 Kama Toto，係藍鯨吞拿魚最矜貴嘅部份，大概係頸、下巴嘅位置～有兩種食法，一種配wasabi同白蘿蔔蓉；一種輕輕炙過，入口即溶，而油脂真係係口腔旋轉，超級好食，食完真係極度不
父母榮休，於是決定同佢地食餐超好食嘅壽司廚師發辦去賀一賀佢！蔡瀾話廚師發辦係渣野，我就唔同意，我仲覺得超開心，事關我只食魚、男朋友唔食蝦、媽媽唔食魚、爸爸咩都食，如果唔係有廚師發辦，我係唔知點樣令所有人happy！😂
Sase師傅9月會離開香港，所以要好好把握機會食佢主理嘅餐廳🫶🏻 師傅來自北海道，所以最主要食材係來自北海道！今餐用料非常新鮮同高質，真係驚豔全場！
Mini Omakase set 係包括～一個前菜、5個刺身、一個熟食、5款壽司，同埋一個甜品～每人$1050～以食物質素黎講，我依然覺得係超值！
以下介紹並唔係一個full set，因為我地太嘴刁，所以真係每個人都有啲野唔同！
🫶🏻 前菜係北海道冷麵（綠色）同魚麵（白色）配鮮蝦同玉米筍！兩種冷麵放埋一齊令人立即感受到冷麵嘅分別，魚鮮味同口感都好特別！
🫶🏻 刺身
本人最愛當然係拖羅！師傅準備俾我地嘅係 Kama Toto，係藍鯨吞拿魚最矜貴嘅部份，大概係頸、下巴嘅位置～有兩種食法，一種配wasabi同白蘿蔔蓉；一種輕輕炙過，入口即溶，而油脂真係係口腔旋轉，超級好食，食完真係極度不捨
北海道鮮蠔，見到爸媽食得津津有味，蠔嘅size比個口更大，鮮甜，好想encore！輕輕配豉油同蔥，已經非常惹味，正！
北海道雪場蟹肉刺身～ 師傅起好蟹肉，鮮甜好食，作為起手式第一碟好開心
甜蝦刺身！爸媽食過，我見到size大塊好多，亦好滑溜咁入到佢地個口😂
魚方面，我亦食左池魚、深海池魚、野生油甘魚、鏗魚！每一樣都配上唔同豉油，包括配上漬物、柚子豉油、wasabi、甜豉油，魚質真係好靚，每一塊入口都係享受😭
🫶🏻 壽司
海膽軍艦～ 選用北海道馬糞海膽！
拖羅蓉軍艦～同樣係本小姐最愛，不過就唔及刺身咁好食啦～🥹 因為刺身真係好好食😭
其中一個比較少食嘅係沙甸魚，配紫蘇葉同透明嘅昆布，包住紫菜咁食～口感一流，亦有驚喜！
粒貝壽司！媽媽唔好魚類，因為佢有得食貝粒，佢超中意貝粒，亦話好好食！
北海道海鰻魚壽司，配甜蛋！同樣好食同超強分別嘅壽司，海鰻個魚味真係係口入面爆炸，配上有味飯，真係一絕～
🫶🏻 熟食
係壽司同刺身之間有一味熟食，今次係炸魚春卷，入面包住紫蘇葉同梅醬
姜粒～都要介紹，因為真係好好食，甜、酸、辣都超平衡，大家都清晒佢～ 😂
甜品有綠茶雪糕夾餅、柚子雪糕同咖啡選擇～
總括而言，係大家食得非常開心又滿意嘅一餐！孝順女任務完成！🫶🏻🫶🏻🫶🏻
鮨佐瀬
網址: https://s.openrice.com/QrbS02jO800~uZ5MGAA
地址: 中環雪廠街22號樂成行地下G1舖
電話: 28150455
====================
張貼
