Ann MaMa Thai Restaurant

營業中

休息中

呢間泰式餐廳成個廚房都由泰國人主理，令大家係香港都可以食到正宗泰國口味。餐廳不設訂座喔，要食就早啲去排隊啦！黃咖哩牛腩飯食落惹味而帶有甜味餘韻，少少辣而又帶有濃厚香氣，一食就知道香料落得十分足，牛腩亦煮得夠腍，撈埋個白飯一齊食真係夠晒開胃。招牌船麵（豬）湯頭一眼望落夠黑夠濃郁，口味同樣充滿獨特嘅濃郁美味，由肉丸、豬肉到麵條都吸引晒湯汁嘅香味，成碗麵風味十足👍🏻。黑椒粟米餅將粟米加入黑椒做調味然後一齊炸成餅，一口咬落先係粟米嘅香甜，繼而係陣陣黑椒香味，配搭埋泰式酸辣醬更加惹味。路邊雞翼賣相平平無奇但口味十分獨特嘅雞翼，食落有好香嘅香矛香氣，而佢哋嘅香矛味又比平時食嘅更香同帶有甜味，好特別好好味😋。椰汁冰椰汁香味非常濃郁，甜度適中口感香滑，係好正宗嘅泰式椰汁冰味道。泰式綠奶茶傳統泰式奶茶換上綠茶去沖製，飲落有濃嘅綠茶清香味，口感順滑，奶香味亦好足夠，好飲👍🏻。