張公館

營業中

休息中

今晚食咗一餐超正嘅中菜❤️由湯到甜品，每樣都好有特色😍 陳皮水鴨燉湯一上枱就聞到陣陣陳皮香，湯清得黎好濃郁，飲落暖笠笠好舒服🥰 水鴨燉到好腍，陳皮真是一個亮點，飲完一碗仲想再添😋春筍酸辣羹好開胃，酸酸辣辣超平衡，唔會太嗆☺️ 春筍爽脆，羹湯濃稠，仲有木耳同豆腐，口感豐富👍 香芒大蝦球大蝦好彈牙，裹上芒果沙律醬，酸酸甜甜好夾🍤芒果嘅清香同蝦嘅鮮味一齊爆發，醬汁又唔會太膩😋 椒鹽雞軟骨雞軟骨炸到外脆內軟，椒鹽味好香，食落好過癮🔥 咬落去「卡滋卡滋」，真係啱晒當小食🍺夏果松子鮮百合西芹炒淮山片西芹脆卜卜，淮山軟糯，鮮百合甜甜地仲有松子同夏威夷果仁加點香脆口感🥜 養顏紅棗糕糕點軟綿綿唔會黏牙，紅棗香超突出甜度啱啱好，食完唔會覺得滯❤️ 呢個甜品真係又好食又有益🌸