Vivere

營業中

休息中

搵到一間個景超靚嘅酒吧餐廳係Sugar+ 11樓，望正成個維園。早少少6:30pm上到去，可以睇到由日頭到夜晚嘅變化。呢期有龍蝦主菜，叫咗個原隻龍蝦+澳洲安格斯肉眼。龍蝦雖然係波士頓龍蝦，但係都夠濕潤彈牙。安格斯肉眼扒就夠晒肉味。另外又叫咗個蟹肉燴意大利飯配炸軟殼蟹，Risotto非常之濃蟹味同埋蕃茄味，加埋個軟殼蟹一齊食就冇得彈。估唔到原來甜品先係重點，熔岩巧克力蛋糕配雲呢拿雪糕係今日MVP，朱古力唔會好漏又唔會太甜，熔岩朱古力加埋雪糕一熱一凍，超級精彩。另外叫咗個抹茶蕨餅提拉米蘇又係非常正，個底咖啡味好濃，加埋入邊嘅缺餅有唔同層次嘅口感。的確令人印象難忘。