影片
更多
2020-11-25
2682 瀏覽
之前同朋友食過唐宮小聚，印象好唔錯，最近發現呢到做緊不同嘅會員優惠，即刻免費登記做埋會員，趁有優惠再嚟食過！✨陳釀醉蟹(1隻) $79好抵呀😳而家會員做緊買一送一優惠！則係$79兩隻，1隻都只係$39.5大閘蟹食得多，都係以清蒸為主，第一次食陳釀醉蟹，好有驚喜！首先賣相擺盤精美😍入口酒香味濃郁，香醇唔嗆鼻，仲帶有陣陣陳釀甜香，同蟹嘅鮮甜味好夾，更加將鮮味加倍！蟹膏飽滿，蟹肉入味，入口啖啖鮮！絕對係齒頰留香！✨焗鮑魚酥(1件) $29鮑魚炆得入味，質感軟腍得嚟，又帶點煙韌彈牙。撻皮酥脆，牛油味香濃，入口非常鬆化👍🏻鮑魚汁鮮味出眾，而且份量適中，令鮑魚保持濕潤之餘，又唔會整濕撻皮。✨和牛啤梨(3件) $49造型非常可愛🍐啤梨皮有似鹹水角，脆脆地又煙韌軟糯，裡面餡料係黑椒和牛粒，味道十分香濃惹味！✨椰皇燉雞(1位用)$69呢個椰皇燉雞熱辣辣以原個椰皇上枱♨️當然要趁熱飲！味道超清甜！超鮮美！秋冬飲夠哂滋潤。✨脆蝦多士(3件)$79多士炸得金黃香脆，而且乾身唔油膩。多士上嘅開邊蝦亦都唔會炸得過火，肉質彈牙爽甜，仲有黑松露嘅香氣，提升整個味道🤤✨炒蝦腸粉$79色香味俱全嘅小炒🥰腸粉Q彈爽滑，外層帶
之前同朋友食過唐宮小聚，印象好唔錯，最近發現呢到做緊不同嘅會員優惠，即刻免費登記做埋會員，趁有優惠再嚟食過！
✨陳釀醉蟹(1隻) $79好抵呀😳而家會員做緊買一送一優惠！則係$79兩隻，1隻都只係$39.5
大閘蟹食得多，都係以清蒸為主，第一次食陳釀醉蟹，好有驚喜！
首先賣相擺盤精美😍入口酒香味濃郁，香醇唔嗆鼻，仲帶有陣陣陳釀甜香，同蟹嘅鮮甜味好夾，更加將鮮味加倍！
蟹膏飽滿，蟹肉入味，入口啖啖鮮！絕對係齒頰留香！
✨焗鮑魚酥(1件) $29鮑魚炆得入味，質感軟腍得嚟，又帶點煙韌彈牙。撻皮酥脆，牛油味香濃，入口非常鬆化👍🏻鮑魚汁鮮味出眾，而且份量適中，令鮑魚保持濕潤之餘，又唔會整濕撻皮。
✨和牛啤梨(3件) $49造型非常可愛🍐啤梨皮有似鹹水角，脆脆地又煙韌軟糯，裡面餡料係黑椒和牛粒，味道十分香濃惹味！
✨椰皇燉雞(1位用)$69呢個椰皇燉雞熱辣辣以原個椰皇上枱♨️當然要趁熱飲！味道超清甜！超鮮美！秋冬飲夠哂滋潤。
✨脆蝦多士(3件)$79多士炸得金黃香脆，而且乾身唔油膩。多士上嘅開邊蝦亦都唔會炸得過火，肉質彈牙爽甜，仲有黑松露嘅香氣，提升整個味道🤤
✨炒蝦腸粉$79色香味俱全嘅小炒🥰腸粉Q彈爽滑，外層帶點焦香，炒得均匀冇鬆散。XO醬惹味，帶少少辣，仲炒得好有鑊氣，蝦嘅份量仲唔少添！
✨得意小豬(1件)$39好cutecute嘅小豬布甸，椰味香濃，口感滑溜，仲好有彈性，而且甜度適中，真正睇得又食得！
記得要做會員！拎盡佢地嘅折扣優惠！
i) 陳釀醉蟹買一送一 (中環店逢星期一至日晚巿，荃灣、沙田、尖沙咀店星期一至四晚市) ii) 飲品/ 啤酒/ 梅酒買一送一 (4店，晚市)
iii) 貓山雪糍買二送一 (4店，全日)
iv) 繽紛四色會員價 $49 (4店，全日)
v) 紅白酒6折 (4店，晚市)
張貼
