影片
更多
2025-03-16
0 瀏覽
估唔到南昌都有Omakase食！今次見佢做緊第2位半價，平均先五百幾蚊一位咋，極抵食仲好高水準！真係可以話精彩嘅Omakase🥹最欣賞係佢由頭到尾每一道菜都好用心設計，由前菜到湯/甜品都冇一樣嘢係難食🫡有啲Omakase係懶高級咁整好多花款但唔好食，呢間係簡約但味道滿分！睇得出個食材次序係有安排過價錢有優惠下只係坊間Omakase嘅一半左右，但食物水準完全唔輸蝕！不過相對地平咗嘅代價就係環境，因為佢唔係專門做Omakase，而係類似一般居酒屋咁有好多其他食客，所以就冇咁有貴賓/豪華感。整體可以話係實而不華，好適合啲真係為咗美食而嚟嘅人！！-［匠］$688（第二位半價）🥗前菜 牛油果吞拿魚蓉沙律個醬用咗柚子沙律醬 ，少少酸酸甜甜咁，超開胃 好清新，簡單又好食！不過太多魚蓉 最好要叫店員俾隻匙羹食🤣🥗煎鵝肝蒸蛋好驚喜！所有鵝肝嘅油分都落晒隻蛋度！真正啖啖油脂香味，超級正🥹🐟刺身三貫- 銀鱈魚刺身- 日本岩手縣赤麒生蠔- 鰹魚刺身係拳頭咁大隻生蠔🤯大癲！極鮮甜大舊到一啖食唔晒添！完全無腥味，再加埋整成咗啫喱狀嘅酸汁，入口嘅味道非常清爽滿足！💯🙏🏻刺身都好新鮮！口感都比較厚實，有少少清甜感，鰹
最欣賞係佢由頭到尾每一道菜都好用心設計，由前菜到湯/甜品都冇一樣嘢係難食🫡有啲Omakase係懶高級咁整好多花款但唔好食，呢間係簡約但味道滿分！睇得出個食材次序係有安排過
價錢有優惠下只係坊間Omakase嘅一半左右，但食物水準完全唔輸蝕！不過相對地平咗嘅代價就係環境，因為佢唔係專門做Omakase，而係類似一般居酒屋咁有好多其他食客，所以就冇咁有貴賓/豪華感。
整體可以話係實而不華，好適合啲真係為咗美食而嚟嘅人！！
-
［匠］$688（第二位半價）
🥗前菜 牛油果吞拿魚蓉沙律
個醬用咗柚子沙律醬 ，少少酸酸甜甜咁，超開胃 好清新，簡單又好食！
不過太多魚蓉 最好要叫店員俾隻匙羹食🤣
🥗煎鵝肝蒸蛋
好驚喜！所有鵝肝嘅油分都落晒隻蛋度！真正啖啖油脂香味，超級正🥹
🐟刺身三貫
- 銀鱈魚刺身
- 日本岩手縣赤麒生蠔
- 鰹魚刺身
係拳頭咁大隻生蠔🤯大癲！極鮮甜
大舊到一啖食唔晒添！完全無腥味，再加埋整成咗啫喱狀嘅酸汁，入口嘅味道非常清爽滿足！💯🙏🏻
刺身都好新鮮！口感都比較厚實，有少少清甜感，鰹魚就做咗微微辣香味，好特別好好食😋
🍣壽司七貫
- 真鯛
- 鰤魚/油甘魚 柚子胡椒
- 赤貝
- 炙燒蝶魚邊
- 赤蝦+蝦膏醬
- 燒蔥花大拖羅
- 海膽壽司
壽司好難一一介紹，但真係非常高水準，同一般壽司店冇得比！
魚生好新鮮完全冇雪藏感，口感非常軟滑，好幾款仲係做到入口即融！香味會停留喺口腔！有部分壽司有做炙燒，燒完後令到油脂感更加突出！真係唔誇張好好食🥹
☕️吸物 鯛魚湯
極香！好有心思咁安排喺壽司刺身之後，可以解膩，清下口腔，食完生冷嘢又即刻可以暖胃，完全係100分嘅配搭！
🍤揚物 大蝦天婦羅
都冇咩挑剔，新鮮熱辣，皮薄 蝦肉夠肥！
🍥一品料理 香煎比目魚 配海膽醬
比目魚本身都煎得好香，再加咗海膽醬同大蔥，大滿足👍🏻
🍧甘味 柚子雪葩 配梅酒
非常清新解膩 酸味啱啱好唔會太過，做一個完美嘅結束！
張貼
