事前落 order confirm booking，可享主餐牌「無限時」，充滿居酒屋既環境啱哂同家人朋友同事聚會， 享受清酒啤酒🍻同品嚐燒肉同打邊爐， 又可以歡聚暢聊
今次叫左D 餐精選放題，除咗燒肉，仲有打邊爐，一次過滿足晒兩個願望，重$58加埋新出既玉米湯🌽，個玉米湯幾香甜美濃郁，仲有2至3個日本栗米煲住！
主打燒肉方面有和牛、牛柳粒、豬頸肉、雞軟骨、雞翼、多春魚、豬扒同雞肉等等，啲和牛肉身幾厚，岩哂啲食肉獸無限encore，重有打邊爐涮肉、蔬菜、金菇、冬菇、菠蘿、栗米同芝士丸丸類等等， 啲打邊爐涮肉食落滑溜溜， 丸類爆哂汁大大粒， 燒菠蘿食落清甜又唔酸， 用黎清下燒肉同涮肉既油膩就最啱， 尼間重可以燒棉花糖添，有bbq感覺
不過記住唔好放係個燒肉網到， 以免燒燶加88蚊仲可以任食生蠔、鵝肝蝦片、和牛他他同十幾款刺身， 啲生蠔全部都新鮮大隻。
仲有好多小食揀，例如清酒煮蜆，食物模式偏向似居酒屋路線，個清蜆竟然有芝麻幾香口。仲有熟食炸物，有日式章魚燒、南瓜餅、日式餃子、炸蝦、炸天婦羅同烤地瓜等等，好有日式街頭小食風味
兩位或以上入座， 重送原條鰻魚，鰻魚勁大條！
訂座仲送慶祝畫碟及生日佈置，我地畫咗chikawa ，四位起更送意大利汽酒一瓶， 所以越多人食就越抵，生日慶祝尼間一定要bookmark底
啲野幾抵食，食物款式又包羅萬有同食既時間都比較長， 慢慢食唔趕時間係到聚舊係唔錯既選擇！
63
