手工百花釀蟹鉗 🦀 外脆內嫩，鮮味十足；古法鮑汁什燴荷葉飯 🍚 香氣撲鼻，飯粒吸晒鮑汁精華；碧綠黑木炒斑球 🐟 爽口彈牙，配合翠綠蔬菜，清而不膩。
炒蝦碌 🦐 火候剛好，蝦肉爽甜；蜜椒脆薯牛仔粒 🥩香口惹味，啖啖驚喜；脆米胡麻醬元貝 🐚 帶少少香脆口感，配胡麻醬更添層次。砂鍋雲吞雞 🍲 滋味濃郁，雞肉滑嫩，雲吞飽滿；最後仲有上湯浸時菜 🥬，清清地平衡成餐。
呢個懷舊海鮮饗宴，完全岩晒一班朋友或家庭聚會，乜都有得食！而且佢既火喉真係好好，味道實在，價錢合理，係荃灣區值得一試嘅好選擇 。
⭐️小貼士：佢個份量勁大，如果有五六個人嚟食，可以叫個四人份量，之後再加其他嘢食，特別可以叫砂鍋海鮮粥，咁呢餐一定勁滿足！
