大戶川·小火鍋 (已結業)

呢間新餐廳主打一人一鍋小火鍋，有得散叫亦有套餐可選，一個價錢就可以食飽飽～ 古典風裝潢夠哂新派，座位舒適，環境乾淨，以QR code落單，仲有機器人為大家送餐，整個體驗好正🤖️火鍋套餐有十款選擇，輕輕鬆鬆包括時令魚片、滑牛、滑豬、冬菇、木耳同魚片頭，而正正經經就有海蝦、魷魚、魚片頭、時令魚片、自家炸腐皮同雞脾菇🤣 全部都會跟泡菜同稻庭烏冬，唔夠飽嘅自助區仲有白飯米線任食！湯底要咗花膠同日式壽喜燒，前者較清淡，後者就甜甜地，裏面仲有好多雜菇同京蔥添～ 另外要咗幾款單點，滑豬、水魷、豆腐、唐生菜皇帝菜、炸魚皮同日本生雞蛋～ 個人最推介魚片、雞脾菇、豆腐同唐生菜，另外大讚滑豬，果然對得住個名，入口軟嫩，啖啖肉好有驚喜，會話性價比好高👍🏻 而飲品方面都有好多選擇，依家仲做緊七拆優惠！玫瑰荔枝梳打、藍柑麝香葡萄梳打、巨峰乳酸特飲等，夠晒大杯而且甜度適中，解渴一流呀！最後以甜品作結，呢度有雪花冰同牛角包窩夫🧇 芒果糯米糍3.6牛乳賣相精緻，奶味濃郁，質感綿密，糯米糍夠煙韌，配埋芒果雪糕同醬汁真係好邪惡🥭 奶醬牛角包窩夫絕對係為香港人而設嘅口味，花生醬、鮮忌廉配以煉奶，味道鹹香，好似茶記嘅奶醬多咁💕