影片
更多
2025-03-21
0 瀏覽
依家啲天氣都仲適合打邊爐🍲，旺角有一間專門做🐮和牛放題🐮，佢係任食打邊爐嚟，呢一類型都係第一次去，佢除咗有基本嘅菜，麵類同丸類之外，其餘八成嘅肉類都係牛肉為主🤩，其餘兩款有🐷豬梅肉同埋🐑羊肉，鍋底方面就有10款選擇，可以有雞煲或者普通湯底，每一枱首輪會有份牛肉拼盤🤩，裏面嘅牛肉全部都喺任食菜單裏面，就連澳洲M7和牛都可以任食👏🏻，價錢方面都係$217起任食兩小時，嘢飲任飲👏🏻我見到仲有任食龜苓膏添👏🏻我哋揀咗豬骨粟米湯底，每一款肉類都有試過，自己比較鍾意嘅就係佢哋嘅M7和牛😍，本身比較鍾意食牛味較重，脂肪比例均勻嘅牛肉，佢哋嘅M7和牛新鮮之餘又比到口感上嘅滿足🤤，脂肪分布較多，食落係唔錯如果想食偏瘦嘅部位，可以試吓佢哋嘅封門柳同埋牛板腱，雖然脂肪冇咁多，口感冇咁豐富，不過相對地牛味都重啲👍🏻而佢哋嘅配菜類雖然種類唔算多，不過每一款食落都唔差😋，水餃就有白菜，粟米同埋韭菜水餃，皮唔算厚，裏面嘅餡夠味，而麵食方面估唔到會有銀針粉，都係一款少見嘅火鍋配料之一最後雪糕🍦方面佢哋係得一款，就係大阪牛乳牌子嘅雪糕，出面任食嘅餐廳好似未見過呢個牌子，試咗特別嘅🤍豆腐雪糕🤍，味道又唔錯喎，唔算好甜，豆
我哋揀咗豬骨粟米湯底，每一款肉類都有試過，自己比較鍾意嘅就係佢哋嘅M7和牛😍，本身比較鍾意食牛味較重，脂肪比例均勻嘅牛肉，佢哋嘅M7和牛新鮮之餘又比到口感上嘅滿足🤤，脂肪分布較多，食落係唔錯
如果想食偏瘦嘅部位，可以試吓佢哋嘅封門柳同埋牛板腱，雖然脂肪冇咁多，口感冇咁豐富，不過相對地牛味都重啲👍🏻
而佢哋嘅配菜類雖然種類唔算多，不過每一款食落都唔差😋，水餃就有白菜，粟米同埋韭菜水餃，皮唔算厚，裏面嘅餡夠味，而麵食方面估唔到會有銀針粉，都係一款少見嘅火鍋配料之一
最後雪糕🍦方面佢哋係得一款，就係大阪牛乳牌子嘅雪糕，出面任食嘅餐廳好似未見過呢個牌子，試咗特別嘅🤍豆腐雪糕🤍，味道又唔錯喎，唔算好甜，豆腐味又真係夠晒濃厚，仲唔會阻到本身雪糕嘅奶味添，佢仲有十幾種口味任君選擇呢款飯後甜品就一定要試吓啦
張貼
